[Plus Communication]

Tirane

Tipi

1. me orar te plote

Fusha | Profili i punes

1. Agjent shitje | Menaxhim shitje

Gjuha

1. Gjuha?

Eksperienca

vetem me eksperience

PLUS Communication është operatori i vetëm celular me kapital shqiptar dhe ka për synim të krijojë vlera për punonjësit e tij. Në ngritjen dhe fuqizimin e kësaj kompanie PLUS ka arritur të mbledhë së bashku një forcë pune profesionale, të përkushtuar, të orientuar drejt shërbimit.

PLUS është i vendosur për të mbajtur standartet më të larta të punës në krijimin e një mjedisi pune motivues në funksion të rritjes së efektivitetit të punës.

Aktualisht PLUS po kërkon të plotësoje pozicionin e lirë që ka, Menaxher Sektori për Klientët me Paspagesë , në Divizionin Komerçial.

Përgjegjësitë kryesore të pozicionit:

• Drejton, organizon, përcakton objektivat, mbikqyr dhe trajnon stafin, dhe kontrollon punën e forcës shitëse në lidhje me aktivitetin e shitjes së numrave me kontratë.
• Shqyrton dhe analizon tregun për të identifikuar nevojat e klientëve dhe për të përcaktuar ofertat që përmbushin nevojat e tyre.
• Identifikon, targeton dhe mban marrëdhëniet me klientët potencialë ekzistues apo të rinj.
• Siguron që të krijohen marrëdhënie me konsumatorë cilësorë dhe mbikqyr ruajtjen e marrëdhënieve me ta.
• Përcakton dhe ndan territoret për ekipin e shitjes, ndjek performancën e tyre, shitjet e numrave postpaid, nevojën për trainime apo kualifikime në lidhje me shërbimet/produktet e kompanisë.
• Bashkëpunon me sektorin operacional për të siguruar stokun e kartave dhe pajisjeve sipas nevojës si edhe mbarëvajtjen e proceseve gjatë gjithë zinxhirit të realizimit të shitjes (Telesales, kontratat dhe shërbimet e tjera).
• Përgatit dhe kryen prezantime të produkteve dhe kompanisë për klientët kryesorë në koordinim me agjentët e shitjes në terren dhe i ndihmon ata në ruajtjen e marrëdhënieve dhe në negocimin dhe lidhjen e marrëveshjeve.
• Përgatit dhe prezanton produkte të reja të hedhura në treg tek klientët ekzistues duke u kujdesur për ofrimin e një shërbimi sa më cilësor dhe konkurrent në treg.
• Bashkëpunon me Menaxherin e shitjes me pakicë dhe shpërndarjes (Retail & Distribution Manager) dhe Agjentët e Shitjes, për të mbështetur dhe lehtësuar procesin e shitjes në dyqanet franchise dhe pikat e tjera të autorizuara të shitjes dhe regjistrimit (POS / PORs).
• Siguron koordinim të plotë mes njësive të shitjes me njëra-tjetrën.
• Propozon skemat e zbritjeve tek Drejtori i Shitjeve për klientët kryesore.
• Siguron që ekipi i shitjeve të numrave me kontratë të marrë një gamë sa më të gjerë produktesh dhe ofertash shërbimi (B2B).
• Përgatit raportin periodik të shitjeve për volumin, cilësinë, shitjet e mundshme dhe fushat e propozuara për zgjerimin e bazës së klientëve.
• Raporton tek Drejtori i Shitjeve.
• Vlerësimi i Performancës kryhet mbi bazë të realizimit të objektivave mujore dhe 3 mujore.

Kualifikimet:

• Diplomë universitare, preferohet në Administrim Biznesi ose Marketing.
• Minimum 3- 5 vjet përvojë të mëparshme në pozicione të ngjashme.
• Aftësi të shkëlqyera komunikimi, efektivitet në bisedime dhe në teknikat përmbyllëse të kontratave.
• Të ketë aftësi të forta analizuese dhe gjykuese.
• Aftësi për të krijuar rrjetin e vet të klientëve.
• Aftësi në manaxhim, planifikim, organizim dhe aftësi shumë të mira të raportimit.
• Aftësi për të punuar nën presion dhe për të arritur objektivat.
• Njohuri shumë të mira të gjuhës angleze.
• Të jëtë energjik dhe i motivuar.

Të gjithë të interesuarit ftohen të plotësojnë formën e aplikimit online, të cilën e gjejnë në faqen zyrtare të kompanisë[FONT=&quot] (http://www.plus.al/rreth-nesh-karriera-aplikoni) [/FONT]dhe të dërgojnë aplikimin dhe letrën e interesit në adresën e e-mailit hr@plus.al, duke specifikuar në subjektin e-mail-it pozicioni për të cilin aplikojnë.

Data e mbylljes së aplikimeve është 28 Mars 2014.