[OTP BANK ALBANIA]

Tirane

Tipi

1. me orar te plote

Fusha | Profili i punes

1. Finance-Banke | Sigurime

Gjuha

1. anglisht

Eksperienca

vetem me eksperience

Pozicioni : Jurist
Sektori: Sektori i Rekuperimit të Kredisë

Objektivat Kyçe

• Është përgjegjës për ndjekjen e vendimeve të komitetit të kredive me probleme dhe dërgimin e dosjeve në gjykatë dhe përmbarim.
• Është përgjegjës për arkivimin e dokumenteve të dosjeve të kredive me probleme.
• Është përgjegjës për ndjekjen e të gjithë korrespondencës me gjykatën dhe me përmbarimin.
• Siguron një kanal komunikimi të saktë nëpërmjet raportimit periodik tek eprorët.
• Siguron respektimin e afateve kohore të procesit të rekuperimit të kredisë.

Rolet & Përgjegjësitë Kryesore

• Është përgjegjës për përgatitjen e dokumentit ligjor për klientët me vonesë për çdo Degë të Bankës.
• Është përgjegjës për marrjen dhe kontrollin e dokumentacionit të sjellë nga Degët e Bankës për Sektorin e Rekuperimit të Kredisë për të cilat është marrë vendimi nga Komiteti i Rekuperimit të Kredisë që të fillojnë procedurat ligjore.
• Është përgjegjës të pergatisë dhe të regjistrojë kërkesat për urdhërat e ekzekutimit të kredive me probleme në gjykatë.
• Të ndjekë procedurat në gjykatë për klientët në vonesë për të marrë urdhërin e ekzekutimit.
• Të përfaqësojë Bankën në çështjet gjyqësore lidhur me Sektorin e Rekuperimit të Kredisë në të cilat Banka ka interesa si palë e tretë.
• Të ndjekë procedurat e përmbarimit deri në ekzekutimin e kolateraleve.
• Të raportojë tek Përgjegjësi i Sektorit të Rekuperimit të Kredisë për zhvillimet e të gjitha rasteve që janë në proces gjyqësor lidhur me Sektorin.
• Të plotësojë çdo detyrë tjetër që mund t’i ngarkohet nga Përgjegjësi i Sektorit të Rekuperimit të Kredisë.

Kualifikime të Nevojshme

• Të ketë diplomë universitare dega juridik ose në fusha të ngjashme.
• Eksperiencë profesionale ligjore ku përfshihen eksperienca me gjykatën dhe procedurat e përmbarimit.
• Njohuritë në gjuhën angleze përbëjnë avantazh.
• Të ketë njohuri të mira të përdorimit të programeve kompjuterike.
• Të ketë aftësi shumë të mira komunikimi dhe të punës në grup.

Të gjithë të interesuarit duhet të dërgojnë CV të përditësuar dhe një letër motivimi në adresën e email-it humanresources@otpbank.al . Ju lutem vini re që vetëm kandidatët e shortlistuar do të kontaktohen.
Afati i fundit i aplikimeve është 12 Shtator 2021.