[Salillari shpk]

Tirane

Tipi

1. me orar te plote

Fusha | Profili i punes

1. Inxh. Ndertimi

Gjuha

1. anglisht

Eksperienca

vetem me eksperience

Kompania “SALILLARI Sh.p.k”, Lider në sektorin e ndërtimit me më shumë se 25 vjet përvojë, përshtatet me karakteristikat e secilit projekt për të krijuar zgjidhje inxhinierike dhe inovative.
“SALILLARI Sh.p.k” zhvillon aktivitetin në: Infrastrukturë, Ndërtime Civile, Ujsjellës, Shpim të naftës, Prodhimi i Materialeve Ndërtimore, Punime të tjera inxhinierike, Punime në port detar, Aeroport, Punime Industriale dhe Ndërtimore, Projektimi i Punimeve Civile dhe Industriale, etj..
Shërbimet tona shtrihen nga planifikimi dhe investimi fillestar, deri në fillimin dhe funksionimin.
“SALILLARI Sh.p.k” shpall pozicion të lirë pune INXHINIER/E NDËRTIMI NË ZYRËN TEKNIKE – OFICER/E PROJEKTI.

PËRMBLEDHJE E POZICIONIT:
Inxhinieri/Inxhinierja e Ndërtimit në Zyrën Teknike – Oficer/e Projekti, është përgjegjës/e për menaxhimin dhe mbikëqyrjen e proçeseve teknike të një projekti ndërtimi, duke siguruar që të gjitha aktivitetet të jenë në përputhje me projektin, specifikimet teknike dhe rregulloret në fuqi. Ky rol përfshin bashkëpunimin e ngushtë me ekipin e projektimit, menaxhimin e dokumentacionit teknik dhe ndjekjen e ecurisë së punimeve.

DETYRAT DHE PËRGJEGJËSITË KRYESORE:

• Administrimi i të gjithë dokumentacionit tekniko ligjor të objektit në ndërtim, në dosjen përkatëse;
• Kontrolli i materialeve që do të përdoren në objekt (nga ana sasiore);
• Përpunimi i projektit, hartimi i situacioneve, librezave të masave (vizatime, preventivë, BOQ, përshkrime teknike, etj.);
• Përgatitja e raporteve teknike dhe përditësimi i dokumentacionit sipas nevojës dhe ecurisë së punimeve;
• Të jetë pjesë e diskutimeve teknike brënda kompanisë dhe njëkohësisht me supervizorin dhe investitorin, arkitektët, inxhinierët dhe kontraktorët për të siguruar zbatimin korrekt të projektit;
• Mbështetja në përgatitjen e ofertave dhe tenderëve, duke analizuar kostot dhe duke propozuar optimizime teknike;
• Ndjekja e ecurisë së projektit dhe raportimi i progresit te menaxhmenti ose investitorët;
• Identifikimi i problemeve teknike dhe propozimi i zgjidhjeve inxhinierike për optimizimin e procesit të ndërtimit;
• Koordinimi me furnitorët dhe mbështetja në menaxhimin e materialeve të ndërtimit;

KRITERET E KËRKUARA:

• Të ketë përfunduar Fakultetin e Inxhinierisë së Ndërtimit, Diplomë Master;
• Të ketë njohuri, në nivel të larte, të gjuhës angleze;
• Njohuri të avancuara në: Microsoft Office, AutoCAD, Revit, SAP2000, ETABS ose programe të tjera të inxhinierisë;
• Mosha e preferuar deri 45 vjeç;
• Të ketë mbi 10 vjet experiencë të mëparshme në zyrë teknike ose në menaxhimin e projekteve të ndërtimit;
• Eksperiencë në përgatitjen e preventivave dhe analizën e kostove;
• Aftësi të shkëlqyera organizative dhe analitike;
• Njohuri mbi rregulloret teknike dhe legjislacionin e ndërtimit;
• Aftësi të mira komunikimi dhe bashkëpunimi me ekipin;
• Njohuri mbi software-t e menaxhimit të projekteve (MS Project, Primavera, etj.) është një avantazh;

APLIKIMI:
Kandidatët e interesuar mund të dërgojnë C.V. e tyre, në adresën e-mail: hr@salillari.al, ose të kontaktojnë për çdo informacion në numrin e telefonit: +355 68 20 55 689.
* Vetëm kandidatët e përzgjedhur do të kontaktohen.
* Kompania “SALILLARI shpk” merr përsipër që të dhënat e kandidatëve të trajtohen në konfidencialitet të plotë.