[OTP BANK ALBANIA]

Tirane

Tipi

1. me orar te plote

Fusha | Profili i punes

1. IT | TIK | Informatike Ekonomike

Gjuha

1. anglisht

Eksperienca

vetem me eksperience

Pozicioni: Specialist, Sektori i Sigurise së IT dhe Kartave
Departamenti: Departamenti i Sigurisë
Divizioni: Operacional

Objektivat Parësore
Kryen vlerësime dhe analiza lidhur me kërcënimet për sigurinë e informacionit, dhe impaktin e tyre në aplikacionet e TI, në sistemet informatike, në infrastrukturë, në kanalet e komunikimit duke u bazuar në rekomandimet dhe praktikat më të mira. Rekomandon dhe implementon zgjidhje për forcimin e sigurisë së informacionit në sistemet dhe rrjetet e Bankës.

Rolet Kyçe dhe Përgjegjësitë

• Menaxhon dhe heton incidentet lidhur me sigurinë e informacionit dhe përmirëson planin e reagimit ndaj incidenteve kibernetike
• Siguron që të gjitha pajisjet fundore janë në përputhshmëri ndaj standarteve të sigurisë me përditësimet më të fundit, antivirus, eleminimin e pikave të dobta etj
• Implementon dhe administron zgjidhje për sigurinë e infrastrukturës informatike si IPS / IDS, SIEM, Antivirus, Vulnerability Scanner dhe zgjidhje të tjera lidhur me sigurinë e informacionit.
• Koordinimi me departamentet e tjera dhe komunikimi lidhur me koncepte për sigurinë me përdorues të cilët kanë ose jo njohuri teknike
• Merr pjesë në hartimin, vendosjen, menaxhimin dhe përmirësimin e infrastrukturës informatike
• Bashkëpunon me ekipe të ndryshme në Departamentin e TI për të gjetur dhe propozuar zgjidhje që plotësojnë nevojat e biznesit
• Kryen kontrolle periodike lidhur me rishikimin të drejtat të përdoruesëve.
• Merr pjesë aktive në menaxhimin e rasteve fraud me karta dhe mbarëvajtjen e zgjidhjeve anti-fraud

Eksperienca dhe Edukimi

• Diplomë Universitare në Shkenca Kompjuterike, Informatikë, Inxhinieri elektronike, Siguri e Informacionit ose një diplomë tjetër që siguron një arsim minimal në një ose më shumë fusha të identifikuara më lart dhe përfshin zhvillimin ose adaptimin e aplikacioneve, sistemeve ose rrjetave kompjuterike; ose kombinime ekuivalente të përvojës dhe arsimimit.
• Dy vjet përvojë minimale në fushën e sigurisë duke përfshirë eksperiencën në çështjet e sigurisë kibernetike dhe në atë të sigurisë për infrastrukturën e rrjetit (eksperienca në bankë ose institucione të tjera financiare do të ishte një plus)
• Njohuria me industrinë e shërbimeve financiare përbën avantazh
• Njohuri shumë të mira lidhur me proçedurat, metodologjitë dhe standardet ndërkombëtare të Sigurisë së Informacionit (ISACA, ISO 27001, PCI DSS etj).
• Njohuri të mira në fushën e sigurisë së informacionit, menaxhimit të projekteve, aplikacioneve të biznesit, sistemeve të bazës së të dhënave, infrastrukturës së rrjetit, operacioneve të sistemeve të informacionit, mirëmbajtjes
• Kërkohet niveli i avancuar i gjuhës angleze
• Aftësia për të komunikuar koncepte teknike dhe të lidhura me sigurinë me përdorues të cilët kanë ose jo njohuri teknike.
• Aftësi të shkëlqyera të komunikimit me shkrim dhe gojë.
• Aftësi të forta analitike.
• Aftësi për të punuar në mënyrë të pavarur, me mbikëqyrje minimale ose si pjesë e ekipeve të integruara.
• Aftësia për t'u përshtatur me lehtësi ndaj ndryshimeve në teknologjinë e informacionit dhe për të mësuar shpejt dhe përdorur mjete dhe metodologji të reja.

Aftësitë e kërkuara

• Njohuri praktike mbi sistemet e sigurisë dhe njohuri të mira të zgjidhjeve lidhur me sigurinë në treg (p.sh. Firewall, DMZ, SSL / IPSec VPN, Proxy, Remote Access, PKI)
• Njohuri të mira lidhur me infrastrukturën e rrjetit (LAN, WAN, WiFi, routers, switches)
• Njohuri të mira të protokolleve të komunikimit në rrjet (Ethernet, TCP/IP, etc)
• Preferohen kandidatë me përvojë mbi 4 vjet në fushën e Teknologjisë së Informacionit
• Njohuri teknike për sistemet e operimit dhe për një gamë të gjerë të teknologjive lidhur me sigurinë, si pajisjet e sigurisë në rrjet, zgjidhjet kundër malware dhe mjetet e sigurisë në pajisjet fundore;
• Njohuri për infrastrukturën e rrjetit, përfshirë routers, switches, firewalls dhe protokollet të komunikimit në rrjet
• Njohuri dhe përvojë me parimet e menaxhimit të identitetit dhe aksesit (IAM), ndryshimin e proceseve dhe mjeteve të menaxhimit;
• Përvojë në krijimin e rrjeteve kompjuterike, sistemeve dhe arkitekturave të sigurta
• Përvojë e drejtpërdrejtë me aplikacionet për antivirus, zbulimin e ndërhyrjeve (IDS), firewalls dhe filtrimin e përmbajtjes.

Të gjithë të interesuarit duhet të dërgojnë CV të përditësuar dhe një letër motivimi në adresën e email-it humanresources@otpbank.al . Ju lutem vini re që vetëm kandidatët e shortlistuar do të kontaktohen.
Afati i fundit i aplikimeve është 10 Nentor 2021.