[AEM.shpk]

Tirane

Nr. Njesia - Zona me e afert?

7 Blloku Ambasadave | Inxh. Ndertimit

Tipi

1. me orar te plote

Fusha | Profili i punes

1. Menaxhim Biznesi

Gjuha

MENAXHER OPERACIONAL
Përgjegjës për organizimin, menaxhimin dhe monitorimin e operacioneve të aktiviteteve ekonomike të ushtruara nga shoqëria ne fushën e turizmit në Shqipëri.

Detyrat dhe përgjegjësitë:

• Përgatit paraprakisht planin operacional të aktiviteteve ekonomike të shoqërisë në të gjithë rrethet duke përfshirë:
• Ndërveprimin me Departamentet qendrore të AEM-së, menaxherët e projekteve ekonomike, operatorët ekonomikë, agjencitë turistike, furnitorët, klientët potencialë, ofrues shërbimesh, aktorë të fushës , etj.
  që lidhen legjitimisht me operacionet dhe/ose mallin në funksion të optimizimit të operacioneve;
• sigurimin e gatishmërisë së mjeteve e pajisjeve. Mban kontakte me kompanitë e mirëmbajtjes teknike dhe me ofrues shërbimesh dhe produktesh për t’u përdorur në raste mungesash të brendshme;
• sigurimin e gatishmërisë së infrastrukturës dhe të fluksit në funksion të planit operacional;
• sigurimin që plani operacional nuk cënon kushtet teknike të infrastrukturës, dhe kapacitetet teknike të mjeteve dhe paisjeve;
• vlerësimin paraprak të efiçencës së burimeve (njerëzore, infrastrukturore dhe mallra, shërbime, pajisje) për t’u përdorur;
• bashkërendimin e aktiviteteve për marketimin, rezervimin,pritjen, akomodimin, dhe shërbimeve të tjera të lidhura më aktivitetetet ekonomike në fushën e turizmit.
• bashkërendimin e aktivitetit operacional në përputhje me kushtet e standartet e industrisë së mikpritjes;
• planifikimin e burimeve njerëzore të përshtatshme dhe kualifikuara, infrastrukturës, shërbimeve dhe pajisjeve për t’u përdorur në funksion të planit operacional;
• sigurimin që infrastruktura e përdorur/ndikuar të pastrohet dhe të jetë e gatshme për t’u ripërdorur bashkërenduar me burimet e brendshme të aktiviteteve ekonomikë;
• sigurimin që pajisjet dhe mjetet e përdorura të kthehen në gjendjen e gatshme për t’u përdorur duke bashkërenduar me burimet e brendshme të aktivitetve ekonomikë;
• efikasitetin dhe efiçencën e planit operacional duke u konsultuar më parë me eprorët dhe vartësit dhe më pas duke i detajuar këtyre të fundit proçedurat;
• dhënien e instruktimeve të hollësishme burimore për të garantuar sigurinë dhe shëndetin e punonjësve për kryerjen e operacioneve sipas planit të parashikuar dhe monitorimin e zbatimit të tyre;
• Ndjek zbatimin e planit për ofrimin e shërbimeve operacionale në mënyrën më të sigurtë, efikase, efiçente dhe në përputhje me planin e biznesit të hartuar;
• Kërkon nga vartësit raportim periodik mbi ecurinë dhe jep këshillat në përmirësim dhe/ose zgjidhje të situatave dhe raporton gjithashtu periodikisht tek eprori;
• Mbledh të dhënat mbi burimet e përdorura, analizon dhe vlerëson efikasitetin dhe efiçencës operacionale dhe i raporton duke i shoqëruar me sygjerime për përmirësime;
• Planifikon nevojat shtesë për burime njerëzore, mallra, shërbime dhe mjete e pajisje për vazhdimësinë e aktivitetit;
• Reagon energjikisht, në mënyrë pro-aktive, duke marrë iniciativa në përputhje me standartet dhe legjislacionin për zgjidhjen optimale të divergjencave që mund të rezultojnë nga ecuria e operacioneve.

Kërkesat e profilit:

1. Arsimim në degët e Fakultetit të Ekonomisë, Financë, Kontabilitet, Administrim biznesi;
2. Shtatë vite përvojë në fushën e menaxhimit, preferueshëm edhe në sektorë operacionalë të industrisë së mikpritjes;
3. Aftësi të mirë në gjuhën angleze, në të shkruar dhe folur;
4. Aftësi për të përdorur programet kompjuterike standarte;
5. Aftësi organizative, planifikuese të burimeve me efikasitet dhe efiçencë,
6. Aftësi proaktive për të marrë iniciativa në situatat e nevojshme që lidhen me detyrën;
7. Të jetë pozitiv dhe konstruktiv përballë problemeve, i orientuar drejt përfitimeve të përbashkëta shoqëri- klient;
8. Aftësi për të zgjidhur problemet;
9. Aftësi për të menduar dhe reflektuar në mënyrë analitike;
10. Aftësi të mira komunikuese;
11. Aftësi për të drejtuar dhe për të punuar në grup;
12. Leje drejtimi automjeti;
13. I gatshëm të udhëtojë e qëndrojë larg vendbanimit për periudha të ndryshme kohore;

SHËNIM: Ky përshkrim pune nuk është gjithë përfshirës. Punëmarrësi mund të kryejë edhe detyra të tjera për plotësimin e nevojave të kompanisë.
Të gjithë të interesuarit duhet të dërgojnë CV të përditësuar dhe një letër motivimi në adresën e E-mail burimet.njerezore@agjencia-aem.com
ose në adresën Rr.Muhamet Gjollesha, Tiranë. Ju lutem vini re që vetëm kandidatët e përzgjedhur do të kontaktohen.
Afati i fundit i aplikimeve është 20 Nëntor 2021.