[InfoSoft Management Services sh.p.k]

Tirane

Tipi

1. me orar te plote

Fusha | Profili i punes

1. Informatike | Programim

Gjuha

1. anglisht

Eksperienca

vetem me eksperience

Infosoft Systems eshte duke rekrutuar: Menaxher i Kerkesave Funksionale (Requirements Manager)

PËRSHKRIMI I PËRGJITHSHËM I PUNËS:
Menaxheri i Kërkesave Funksionale është përgjegjës për menaxhimin e kërkesave funksionale përgjatë gjithë ciklit të jetës së tyre, në kuadër të projekteve software. Roli i tij është të sigurojë që kërkesat e biznesit të kuptohen, të dokumentohen dhe të ndiqen në mënyrë të kontrolluar, nga identifikimi fillestar deri në pranimin e zgjidhjes.
Requirements Manager vepron si ura lidhëse midis kërkesave të përdoruesve fundorë dhe implementimit të zgjidhjes software. Aktiviteti i tij ndryshon sipas fazës së projektit, por në thelb fokusohet në menaxhimin e kërkesës funksionale. Në këtë kuadër, roli përfshin analizën e kërkesave, testimin funksional, takime dhe prezantime me përdoruesit fundorë, mbështetjen gjatë trajnimit dhe përgatitjen e dokumentacionit përkatës.

DETYRAT DHE PËRGJEGJËSITË KRYESORE

• Identifikon, analizon dhe qartëson kërkesat e biznesit, duke siguruar që ato të kuptohen saktë përpara kalimit në fazën e zhvillimit.
• Dokumenton kërkesat funksionale në mënyrë të strukturuar, në një formë të qartë dhe të përdorshme gjatë gjithë projektit.
• Ndjek kërkesat gjatë zhvillimit për t’u siguruar që zgjidhja e implementuar përputhet me atë që është dakordësuar.
• Menaxhon dhe përditëson kërkesat gjatë ndryshimeve që lindin, duke ruajtur kontrollin mbi scope-in funksional.
• Përdor platforma të dedikuara për menaxhimin dhe gjurmimin e kërkesave, për të monitoruar statusin dhe ecurinë e zhvillimit përgjatë projektit.
• Kryen ose mbështet testimin funksional të zgjidhjes dhe merr pjesë në procesin e pranimit nga përdoruesit fundorë (UAT).
• Organizon dhe zhvillon takime sqaruese dhe prezantime me përdoruesit fundorë për verifikimin e kërkesave dhe rezultateve.
• Përgatit dokumentacion mbështetës dhe manuale përdorimi, sipas nevojave të projektit.
• Identifikon paqartësi ose mospërputhje gjatë zhvillimit dhe siguron që ato të adresohen përpara dorëzimit final.
• Bashkëpunon në mënyrë të vazhdueshme me ekipet e përfshira (Project Manager, Developers, Q&A) për të siguruar përputhshmëri të kërkesave me zhvillimin.

KËRKESAT DHE KUALIFIKIM​

Arsimimi dhe eksperienca:

• Diplomë universitare në një nga fushat: Administrim Biznesi, Informatikë Ekonomike, Shkenca Kompjuterike, Inxhinieri, ose fusha të ngjashme.
• Minimumi 2 vite eksperiencë në role funksionale në projekte software (p.sh. Business Analyst, Requirements Lead, Product/Functional Analyst ose role të ngjashme).
• Përvojë në mbledhjen, analizimin, dokumentimin dhe ndjekjen e kërkesave të biznesit dhe përdoruesve fundorë.
• Njohuri të mira në përdorimin e metodologjive Agile (Scrum, Kanban) dhe përvojë pune në mjedise bashkëpunuese ndërfunksionale.
• Përvojë në dokumentimin e kërkesave funksionale dhe përgatitjen e materialeve shoqëruese për zhvillim, testim dhe përdorim.
• Përvojë në përdorimin e platformave për menaxhimin dhe gjurmimin e kërkesave (p.sh. Azure DevOps, Jira, Confluence ose mjete të ngjashme).
• Njohuri mbi testimin funksional dhe përfshirje në proceset e validimit dhe pranimit të zgjidhjeve (UAT).
• Njohuri në përdorimin e mjeteve për dokumentim dhe prezantim funksional; përvoja me mock-up ose mjete vizuale përbën avantazh, por nuk është e detyrueshme.

Aftësi të tjera:

• Mendim analitik dhe aftësi për të strukturuar informacion kompleks në mënyrë të qartë dhe të kuptueshme.
• Vëmendje ndaj detajeve pa humbur pamjen e përgjithshme dhe objektivat kryesore.
• Aftësi shumë të mira komunikimi, shprehje e qartë dhe profesionale në komunikim verbal dhe të shkruar.
• Aftësi bashkëpunuese dhe sjellje profesionale në punë me ekipe dhe palë të ndryshme.
• Natyrë që përballon presionin dhe për t’u përshtatur me ndryshime të shpeshta të prioriteteve.
• Qasje e strukturuar, proaktive dhe e orientuar drejt përmirësimit të vazhdueshëm.
• Aftësi të mira organizative dhe menaxhim eficent i kohës dhe angazhimeve.

Çfarë Ofron Kompania:

• Pagë konkurruese
• Ambient profesional, inovativ dhe i orientuar drejt zhvillimit të vazhdueshëm
• Akses në teknologjitë më të fundit
• Mundësi trajnimesh dhe certifikimesh
• Vlerësime të rregullta performance dhe rishikime page
• Sigurim shëndetësor privat
• Zyra moderne në qendër të Tiranës

Per te aplikuar ju lutem dergoni CV-te dhe dokumente te tjera qe vertetojne kualifikimet tuaja ne adresen e_mail: humanresources@infosoftgroup.com.al

Te dhenat qe do te paraqitni nepermjet aplikimit tuaj do te ruhen dhe perpunohen vetem per qellime rekrutimi, ne mbeshtetje te legjislacionit ne fuqi per mbrojtjen e te dhenave personale. Me konkretisht sipas percaktimeve te Kushtetutes se Republikes se Shqiperise, Ligjit ne fuqi (Nr. 9887 date 10.03.2008) "Per Mbrojtjen e te Dhenave Personale" dhe akteve nenligjore per zbatim.