[ECFA SH.A]

Tirane

Tipi

1. me orar te plote

Fusha | Profili i punes

1. Menaxhim Biznesi

Eksperienca

vetem me eksperience

Mundësi Karriere | Menaxher Risku Operacional & Përputhshmërie

ECFA Sh.a. po zgjeron ekipin dhe kërkon një profesionist me eksperiencë, integritet dhe vizion për të marrë një rol kyç në menaxhimin e riskut operacional, përputhshmërisë dhe kontrollit të brendshëm.
Nëse ke eksperiencë në sektorin bankar ose mikrofinanciar, mendësi analitike dhe dëshirë për të ndërtuar procese më të sigurta, më efikase dhe më të orientuara drejt klientit, kjo mund të jetë mundësia jote.


Rreth rolit
Si Menaxher Risku Operacional & Përputhshmërie, do të kesh një rol të rëndësishëm në identifikimin dhe menaxhimin e risqeve, forcimin e kontrolleve dhe garantimin e përputhshmërisë me kërkesat ligjore dhe rregullatore.
Do të punosh ngushtë me ekipet e biznesit dhe funksionet mbështetëse për të identifikuar problematikat, për të gjetur shkaqet rrënjësore dhe për të kthyer riskun në procese më të mira, kontrolle më të forta dhe rezultate më të qëndrueshme.


Përgjegjësitë kryesore
• Menaxhimi i riskut operacional dhe përputhshmërisë: Monitoron, vlerëson dhe raporton risqet, kontrollet dhe përputhshmërinë me politikat, procedurat dhe kërkesat ligjore/rregullatore.
• Kontrollet dhe optimizimi i proceseve: Identifikon problematikat dhe shkaqet rrënjësore, rekomandon masa korrigjuese dhe udhëheq iniciativa për përmirësimin, automatizimin dhe eficiencën e proceseve.
• PPP/FT, mashtrimi dhe mbrojtja e klientit: Menaxhon kuadrin e PPP/FT, monitoron klientët dhe transaksionet në risk, mbështet parandalimin e mashtrimit dhe siguron përputhshmërinë dhe transparencën ndaj klientit.
• Raportimi dhe marrëdhëniet me palët e interesuara: Koordinon me strukturat e brendshme, autoritetet rregullatore dhe palët e treta, si dhe menaxhon ankesat dhe çështjet që lidhen me riskun dhe përputhshmërinë.


Çfarë kërkojmë?
Kërkojmë një profesionist që kombinon ekspertizën teknike me gjykimin e mirë profesional dhe integritetin.
Profili ideal ka:
• Diplomë universitare, preferohet Master, me 4–5 vite eksperiencë në bankë/mikrofinancë, përfshirë të paktën 2 vite në rol menaxherial.
• Njohuri të avancuara të riskut, përputhshmërisë, kuadrit rregullator dhe sektorit mikrofinanciar në Shqipëri.
• Aftësi të forta analitike, vendimmarrëse dhe problem-zgjidhëse, me orientim drejt rezultateve dhe vëmendje të lartë ndaj detajeve.
• Leadership, integritet dhe aftësi të shkëlqyera komunikimi, me aftësi për të menaxhuar prioritete, presion dhe afate.


Çfarë do të thotë të jesh pjesë e ECFA?
ECFA është një institucion financiar mikrokredie që sjell në treg një qasje moderne ndaj kredisë konsumatore pa kolateral, duke kombinuar shërbimin e shpejtë, proceset e përshtatshme të huamarrjes dhe fokusin tek siguria dhe komoditeti i klientit.
Në këtë rol, nuk do të jesh thjesht përgjegjës për të kontrolluar riskun.
Do të kesh mundësinë të ndikosh drejtpërdrejt në mënyrën se si ndërtohen proceset, kontrollet dhe standardet e një institucioni financiar në zhvillim.
Nëse të motivon një mjedis dinamik ku risk management, compliance, teknologjia dhe optimizimi i proceseve ndërthuren për të ndërtuar një biznes të qëndrueshëm, duam të të njohim.
Pozicioni: Menaxher Risku Operacional & Përputhshmërie
Departamenti: Risk
Vendndodhja: Head Office
Angazhimi: Full-time
Apliko tani dhe bëhu pjesë e ekipit ECFA!
https://talent.sage.hr/jobs/ba6a4232-9027-4552-ad8e-5565bda2fd05
ECFA promovon një mjedis profesional të bazuar në integritet, përgjegjshmëri, zhvillim dhe orientim drejt rezultateve.