Specialist i Lartë Finance

Balfin DEVELOPMENT · 21.02.2024, 15:32

Balfin Development, pjesë e Grupit BALFIN, është një nga kompanitë kryesore investuese në zhvillimin e projekteve në Shqipëri dhe rajonin e Ballkanit.
Historia jonë e suksesit përfshin zhvillimin e disa prej projekteve më të mëdha në Shqipëri dhe ripërcaktimin e zhvillimit të luksit në të gjithë vendin dhe rajonin. Portofoli ynë përfshin projekte prestigjioze rezidenciale, turistike, industriale dhe komerciale, si Green Coast Resort & Residences, Vala Mar Residences, Rolling Hills Luxury Residences, etj. Balfin Development ka vendosur standardet e tregut duke përmirësuar ndjeshëm stilin e jetës në komunitet.

Balkan Finance Investment Group, BALFIN Group, është një nga grupet investuese më të rëndësishme dhe më të suksesshme në rajonin e Ballkanit Perëndimor. Gjeografikisht, Grupi BALFIN është i pranishëm në Austri, Shqipëri, Kosovë, Bosnjë dhe Hercegovinë, Maqedoninë e Veriut, Mal të Zi, Zvicër, Kroaci, Holandë dhe SHBA, me afërsisht 5,000 punonjës në total. Aktivitetet e Grupit BALFIN përfshijnë zhvillimin dhe menaxhimin e pasurive të patundshme, shitjet me shumicë dhe pakicë, sistemin bankar, menaxhimin e aseteve, mediat dhe logjistikën. Grupi BALFIN po rritet në mënyrë të qëndrueshme dhe kontribuon në përmirësimin e jetesës së komuniteteve përmes zhvillimit ekonomik, prezantimit të ideve të reja, punësimit dhe investimeve sociale.

Pozicioni: Specialist i Lartë Finance
Departamenti: Financë
Vendndodhja: Tiranë

Përmbledhja e Pozicionit: Monitoron dhe kontrollon raportet periodike të menaxhimit, metodat e kostove lidhur me investimet, analizën e punës të çdo lloj kostoje tjetër përveç investimeve, si dhe kontrollon raportet me palë të treta.

Detyrat dhe Përgjegjësitë Kryesore:

Përgatit dhe kryen konsolidimin e të dhënave financiare të projekteve, duke siguruar saktësinë, plotësinë dhe përputhshmërinë me standardet kombëtare dhe ndërkombëtare të kontabilitetit dhe raportimit financiar;
Koordinon me ekipin e Kontabilitetit dhe Raportimit, për të marrë dhe analizuar të dhënat financiare nga çdo projekt për qëllime raportimi;
Siguron që të respektohen afatet dhe kërkesat ligjore për raportimin financiar për çdo projekt;
Kryen analiza për të dhënat financiare të projektit për të identifikuar trendet, ndryshimet, dhe fushat e përmirësimit;
Përgatit raporte financiare dhe treguesit kryesorë të performancës (KPI) për çdo projekt për të mbështetur proceset e vendimmarrjes dhe vlerësimin e performancës;
Përgatit raporte të veçanta për menaxhimin, përfshirë analizën e buxhetit në krahasim me të realizuarin, shpjegime për ndryshimet dhe përmbledhje të performancës financiare;
Bashkëpunon me menaxherët e projektit për të zhvilluar dashboard-e dhe matrica të veçanta të performancës;
Suporton në përgatitjen e raporteve dhe prezantimeve për nivelin ekzekutiv lidhur me performancën financiare të projektit në tërësi (për qëllime të menaxhimit dhe të ortakëve);
Suporton në përgatitjen e analizave, raporteve dhe prezantimeve për palë të tjera të treta (psh. shoqëri menaxhuese të disa prej projekteve), përfshirë koordinimin me këta subjekte për raportimimin dhe monitorimin e treguesve kryesorë të performancës;
Përdor sistemet financiare dhe mjetet e tjera të raportimit për të lehtësuar dhe automatizuar procesin e raportimit financiar;
Identifikon mundësi për përmirësimin e proceseve, përmirësim të integritetit të të dhënave dhe rritje të efikasitetit në raportimin financiar;
Bashkëpunon me ekipet e IT dhe kontraktorët e jashtëm për të optimizuar sistemet e raportimit financiar dhe siguruar saktësinë dhe integritetin e të dhënave;
Siguron raportimet ligjore dhe kërkesat për deklarim të të dhënave financiare në përputhje me kerkesat ligjore;
Suporton në përgatitjen e të dhënave financiare të projektit për auditoret e jashtëm (te kompanise dhe te grupit);
Përditëson me ndryshimet në standardet e raportimit financiar, kërkesat e raportimit dhe praktikat më të mira të industrisë;
Analizon dhe ndjek zbatimin e procedurave të departamentit, propozimi i ndryshimeve për procedurat ekzistuese në funksion të punës;
Në bashkëpunim me Menaxherin dhe CFO, përgatit procedura të departamentit të financës;
Detyra të tjera që i caktohen.

Edukimi: Të zotërojë diplomë universiteti në Financë/Kontabilitet

Kualifikime të tjera:

Të paktën 5 vite eksperiencë në profesion;
Njohuri të forta të parimeve, koncepteve dhe standardeve (kombëtare dhe ndërkombëtare) të kontabilitetit (GAAP ose IFRS) është thelbësore për raportimin e saktë financiar;
Aftësi në përgatitjen e pasqyrave financiare, duke përfshirë bilancet, pasqyrat e të ardhurave dhe pasqyrat e Cash Flow;
Aftësia për të analizuar të dhënat financiare, për të identifikuar tendencat dhe për të ofruar njohuri për vendimmarrje;
E orientuar drejt detajeve për të siguruar saktësinë në raportimin financiar dhe pajtueshmërinë;
Njohja me softuerin e kontabilitetit, sistemet e planifikimit të burimeve të ndërmarrjes (ERP) dhe softuerin (p.sh., Excel) është i rëndësishëm;
Aftësitë të mira në komunikim për të shpjeguar informacionin kompleks financiar tek palët e interesuara jofinanciare;
Aftësia për të identifikuar dhe trajtuar çështjet e kontabilitetit dhe raportimit në kohën e duhur;
Kuptimi i rregulloreve përkatëse dhe kërkesave të pajtueshmërisë, veçanërisht në industritë me standarde specifike raportimi;
Standardet e larta etike janë thelbësore në kontabilitet dhe raportim për të ruajtur integritetin dhe transparencën.

Mënyra e aplikimit:

Të gjithë të interesuarit mund të aplikojnë duke dërguar CV-në e tyre dhe letrën e motivimit në linkun: https://balfindevelopment.zohorecruit.com/jobs/Careers/705972000001825001/Specialist-i-Lartë-Finance?source=CareerSite

Afati i aplikimit: 29/02/2024
Pas shqyrtimit do të kontaktohen vetëm kandidatët e përzgjedhur.

*Të gjitha aplikimet do të trajtohen me konfidencialitet të plotë sipas ligjit Nr. 9887 vendosur nga Kuvendi i Shqipërisë për “Mbrojtjen e të Dhënave Personale”.