Specialist/e Blerjesh

VEGA Group · 04.11.2024, 20:28

Mundësi Punësimi - Specialist/e Blerjesh

VEGA Group është një kompani lider në fushën e energjive të rinovueshme në Shqipëri dhe më gjerë. Të specializuar në sektorin e fotovoltaikës dhe infrastrukturën e karikimit të automjeteve elektrike, ne po udhëheqim rrugën drejt një të ardhmeje të qëndrueshme dhe të gjelbër.

Detyra të përgjithshme të rolit:

Kupton kërkesat e biznesit dhe ndërton marrëveshje që i përgjigjen këtyre kërkesave.
Udhëheq iniciativa të ndryshme të prokurimeve, që ndryshojnë në përmasa dhe kompleksitet.
Organizimin e tenderëve në treg dhe menaxhimin e procesit të vlerësimit me një ekip ndërfunksional për përzgjedhjen e furnitorëve.
Negocion marrëveshje për të arritur kushte sa më të favorshme komerciale për kompaninë.
Harton kontrata bazuar në kushte dhe terma standard të kompanisë.
Është përgjegjës për ngritjen dhe zhvillimin e marrëdhënieve me furnitorët kryesorë.
Krijon dhe mirëmban marrëdhënie të forta me palët e interesit (stakeholders), ekipet ndërfunksionale dhe drejtuesit e lartë të kompanisë.
Zbaton standardet dhe procedurat e kompanisë, përfshirë përdorimin e mjeteve, programeve dhe proceseve të përcaktuara për realizimin e iniciativave të prokurimit.
Identifikon dhe zbaton mundësi për të gjeneruar kursime dhe për të sjellë përfitime për kompaninë nëpërmjet prokurimeve më efikase dhe strategjike.

Kriteret dhe kualifikimet:

Diplomë universitare në Ekonomi, Inxhinieri ose fusha të ngjashme.
Minimumi 1 vit eksperiencë pune në prokurime, logjistikë ose zinxhir furnizimi (Supply Chain).
Aftësi të mira në negocim dhe komunikim me palët e brendshme dhe të jashtme.
Aftësi analitike dhe mendim kritik për të vlerësuar oferta, kosto dhe përfitime.
Aftësi për të punuar në mënyrë të pavarur dhe në ekipe ndërfunksionale.
Njohuri të mira të programeve kompjuterike, veçanërisht Microsoft Excel dhe softuerëve të menaxhimit të prokurimeve (p.sh. ERP, SAP, MC etj.).
Njohuri shumë të mira të gjuhës angleze; njohja e gjuhës italiane ose gjermanishtes përbën avantazh.
Aftësi për të menaxhuar disa detyra njëkohësisht dhe për të respektuar afatet kohore.

Për të aplikuar për këtë pozicion ju lutem dërgoni CV-në tuaj me foto në adresën: rekrutime@vegagroup.al me subjekt “Specialist/e Blerjesh”, ose "Aplikoni" më lehtë në linkun: https://vegagroup.al/job/specialist-e-prokurimesh/

*Çdo informacion që do të paraqesin kandidatet lidhur me shprehjen e interesit të tyre për sa më sipër, do të trajtohet me një nivel sigurie të standarteve më të larta për ruajtjen dhe përpunimin e këtyre të dhënave në përputhje të plote me parashikimet e ligjit nr. 9887 datë 10.03.2008 "Për Mbrojtjen e të Dhënave Personale" i ndryshuar dhe aktet nënligjore të nxjerra në zbatim të tij.