[OTP BANK ALBANIA]

Lushnje

Tipi

1. me orar te plote

Fusha | Profili i punes

1. Agjent shitje | Menaxhim shitje

Gjuha

1. anglisht

Eksperienca

vetem me eksperience

NJOFTIM PËR VEND TË LIRË PUNE

Pozicioni: Drejtor/e Dege, Dega Lushnjë
Rajoni : Perëndim
Divizioni: Retail

Objektivat Kyçe

Të arrijë realizimin e objektivave në fushën e biznesit të degës, përcaktuar në targetat e vendosur qysh në fillim të vitit në fushën e Kredive Retail, Depozitave, Paketave, Marrëveshjeve të pagave, Klientëve aktivë, etj...

Objektivat e Riskut Operacional

• Kujdeset dhe merr masat duke hartuar plane veprime për çdo gjetje apo pasaktësi të identifikuar nga specialistët e Auditit të brendshëm ose të Kontrollit të Vazhdueshëm me synim eleminimin e tyre.
• Informon punonjësit dhe kontrollon zbatimin (duke qenë edhe vetë zbatues i tyre) e të gjithë kuadrit ligjor dhe normativ të adresuar në drejtim të degëve sikundër jane ligje , urdhëra dhe udhëzime të lëshuara nga institucionet qëndrore dhe lokale të vendit si dhe manuale, rregullore, procedura, urdhëra dhe udhëzime dhe çdo porosi tjetër lëshuar nga strukturat vendimarrëse të Bankës.
• Të mbajë nën kontroll risqet opracionale në degën e tij.
• Vepron si korrespondent i riskut operacional, duke siguruar bashkërendimin dhe monitorimin e detyrave që dalin nga rregulloret dhe politikat e riskut operacional për perimetrin e tij / saj brenda raportimit, ndjekjes dhe zbatimit të planeve të veprimit.
• Ka një rol proaktiv në zhvillimin dhe mirëmbajtjen e vazhdimësisë së biznesit të aktiviteteve kryesore nën përgjegjësinë e tyre.

Përgjegjësitë KYC dhe AML

• Është personi përgjegjës në degë për Parandalimin e Pastrimit të Parave dhe Financimit të Terrorizmit.
• Është përgjegjës për cilësinë e të dhënave të klientit në zbatim të parimit Njihni Klientin Tuaj.

Rolet dhe Përgjegjësitë Kryesore

• Të ketë aftësi për të përfaqësuar me profesionalizëm degën e Bankës dhe të marrë përgjegjësi për tërë veprimtarinë e saj, në përputhje me dispozitat ligjore në fuqi, statutin dhe udhëzimet e Drejtorisë së Përgjithshme të Bankës OTP Albania.
• Të zotërojë integritet moral si element thelbësor në përfaqësimin me dinjitet të emrit të bankës.
• Të ketë aftësi organizuese, drejtuese dhe kontrolluese në funksion të administrimit të veprimtarisë së përditshme të Degës dhe të stafit të saj.
• Të manaxhojë dhe të kujdeset për ndërtimin dhe funksionimin normal të marrëdhënieve midis degës dhe departamenteve të tjera në Drejtorinë e Përgjithshme me qëllim arritjen e objektivave dhe përmirësimin e cilësisë së shërbimit ndaj klientelës.
• Të zotërojë njohuritë e domosdoshme për produktet e bankës dhe njëkohësisht të ketë aftësi shitëse.
• Të njohë thellësisht çdo veprimtari opracionale të degës dhe të sigurojë që gjithë veprimtaria e personelit të degës është në përputhje me procedurat përkatëse.
• Mban përgjegjësi për çdo veprim financiar dhe çdo transaksion të urdhëruar, vlerësuar apo kontrolluar prej tij.
• Kryen aktivitetin e agjentit në sigurime për produktet e klasave të jo-jetës duke zbatuar përgjegjësitë e mëposhtme :
  1. Prezantimi tek klientët dhe shitja e produkteve të sigurimit – për klasat e jo-jetës – në emër dhe për llogari të shoqërive të sigurimit me të cilat banka bashkëpunon
  2. Përgatitja dhe prerja e polices së sigurimit
  3. Nënshkrimi i kontratës së sigurimit si agjenti i bankës, dorëzimi te kompania sipas kërkesave të secilës kompani dhe arkivimi në bankë sipas rregullores

Kualifikime të Nevojshme

• Diplomë Universitare në Shkenca Ekonomike, Financë Bankë ose fusha te ngjashme
• Të ketë përvoje pune mbi 5 vjet në industrinë bankare apo në industri të ngjashme.
• Të ketë aftësi drejtuese dhe të manaxhimit të stafit.
• Të ketë aftësi të shkëlqyera ndërpersonale dhe të ruajtjes dhe zhvillimit të rrjetit personal dhe profesional.
• Të ketë aftësi të mira komunikuese, prezantuese, koordinuese dhe bindëse.
• Të ketë njohuri të mira për përdorimin e kompjuterit.
• Të ketë njohuri të shumë të mira të rregulloreve dhe procedurave për funksionimin e degëve të bankës dhe të sektorit bankar në përgjithësi.
• Të jetë i/e orientuar drejt shërbimit të klientit dhe të sigurojë që ofrohet cilësia më e lartë e shërbimit në degë.
• Të ketë aftësi zhvilluese të biznesit dhe të arritjes së rezultateve.
• Të jetë i aftë të punojë me qetësi edhe në situatat në presion.
• Të ketë njohuri të mira të gjuhës angleze.

Të gjithë të interesuarit duhet të dërgojnë CV të përditësuar dhe një letër motivimi në adresën e email-it humanresources@otpbank.al . Ju lutem vini re që vetëm kandidatët e shortlistuar do të kontaktohen.

Afati i fundit i aplikimeve është 25 Nëntor 2021.