Project Manager

Balfin DEVELOPMENT · 09.03.2026, 13:49

Balfin Development, pjesë e Grupit BALFIN, është një nga kompanitë kryesore investuese në zhvillimin e projekteve në Shqipëri dhe rajonin e Ballkanit.

Historia jonë e suksesit përfshin zhvillimin e disa prej projekteve më të mëdha në Shqipëri dhe ripërcaktimin e zhvillimit të luksit në të gjithë vendin dhe rajonin. Portofoli ynë përfshin projekte prestigjioze rezidenciale, turistike, industriale dhe komerciale, si Green Coast Resort & Residences, Vala Mar Residences, Rolling Hills Luxury Residences, etj. Balfin Development ka vendosur standardet e tregut duke përmirësuar ndjeshëm stilin e jetës në komunitet.

Grupi BALFIN është një nga grupet e investimeve lider në rajonin e Ballkanit Perëndimor që mishëron standardet ndërkombëtare me ekspertizë vendase. I themeluar në vitin 1993 në Vjenë nga Samir Mane, sot Grupi është i pranishëm në 11 vende, Austri, Shqipëri, Kosovë, Bosnje dhe Hercegovinë, Maqedoninë e Veriut, Mal të Zi, Zvicër, Kroaci, Holandë, SHBA dhe Kanada. BALFIN, një grup i larmishëm, aktiv në pasuri të paluajtshme, shitje me shumicë dhe pakicë, sistemin bankar, menaxhim asetesh, turizëm, arsim dhe logjistikë, punëson rreth 5000 njerëz. Totali i Aseteve të Grupit (përfshirë institucionin financiar) është 2.2 miliardë euro, sipas të dhënave të vitit 2023.

Pozicioni: Menaxher Projekti
Vendndodhja: Tiranë

Përmbledhja e Pozicionit: Menaxheri i Projektit është përgjegjës për drejtimin dhe menaxhimin e plotë të projektit në një investim ndërtimor, nga faza e inicimit deri në përfundimin dhe dorëzimin e tij. Ai siguron realizimin e objektivave strategjikë dhe të biznesit, duke garantuar përfundimin e projektit në kohë, brenda buxhetit dhe sipas standardeve të cilësisë dhe sigurisë.

Detyrat dhe Përgjegjësitë Kryesore:

Drejton dhe menaxhon Projektin nga inicimi deri në përfundim dhe dorëzim, duke siguruar realizimin e objektivave strategjikë, respektimin e buxhetit, afateve dhe standardeve të cilësisë.
Bashkëpunon me Program Manager për përcaktimin e objektivave, rezultateve dhe zhvillimin e planeve gjithëpërfshirëse të projektit në përputhje me Planin e Biznesit
Merr pjesë në hartimin dhe rishikimin e Planit të Biznesit sipas kërkesës.
Përgatit Master Planin e aktiviteteve të projektit dhe planifikimet periodike (vjetore, gjashtëmujore, tremujore), si dhe ndjek dhe përditëson ecurinë e tyre gjatë gjithë ciklit të projektit.
Menaxhon të gjitha fazat e projektimit, përfshirë Konceptin e Dizajnit, Projektimin për Leje dhe Dokumentacionin e Ndërtimit, duke siguruar përfundimin në kohë dhe sipas standardeve të miratuara.
Monitoron zbatimin e punimeve në terren dhe siguron përputhshmërinë me specifikimet teknike, kontratat, standardet e kompanisë dhe planin e biznesit.
Menaxhon skedulin e projektit dhe planifikon masa zbutëse për të garantuar përfundimin në kohë, brenda buxhetit dhe në cilësinë e pritshme.
Viziton rregullisht kantierin dhe ofron mbështetje për procesin e projektimit dhe ndërtimit.
Inicion, ndjek dhe finalizon procedurat e prokurimit për të gjitha kontratat e projektit.
Menaxhon dhe monitoron kontratat e punimeve ndërtimore, projektimit, supervizionit, asistencës teknike dhe shërbimeve të tjera, duke siguruar përmbushjen e detyrimeve kontraktuale.
Miraton penalitete për mospërmbushje kontraktuale ose dëmtime të projektit.
Ofron zgjidhje për Kontraktorin e Përgjithshëm në lidhje me paqartësi ose problematika gjatë zbatimit të punimeve.
Përgatit, menaxhon dhe monitoron buxhetin e projektit, analizat financiare dhe cash flow, duke kontrolluar devijimet dhe duke ndërmarrë masa korrigjuese për të garantuar realizimin brenda buxhetit të miratuar.
Bashkëpunon me strukturat përkatëse për analizën dhe optimizimin e kostove dhe siguron zbatim të plotë të procedurave tekniko-administrative të kompanisë.
Koordinon dhe menaxhon burimet njerëzore, financiare dhe materiale të alokuara në projekt.
Jep feedback mbi performancën e strukturave dhe specialistëve të angazhuar në projekt dhe kontribuon në vlerësimin e tyre bazuar në arritjen e objektivave të projektit.
Monitoron progresin teknik dhe financiar të projektit dhe përgatit raporte periodike për menaxhimin sipas strukturës dhe periodicitetit të përcaktuar.
Siguron që të gjitha kërkesat, objektivat dhe dokumentacioni i projektit të jenë të përgatitura dhe të arkivuara sipas standardeve të kompanisë.
Monitoron dhe analizon performancën e shitjeve dhe trendet e tregut, merr pjesë në përcaktimin e politikave të çmimeve dhe propozon ndryshime strategjike në përputhje me fazën e projektit dhe kushtet e tregut, duke siguruar miratimet përkatëse.
Merr pjesë në vendimmarrje lidhur me politikat e çmimeve dhe propozon rritje çmimesh ose ndryshime në strategjinë e shitjeve në përputhje me fazën e projektit dhe kushtet e tregut.
Angazhon strukturat përkatëse për menaxhimin e marrëdhënieve me klientët dhe monitoron adresimin e kërkesave të tyre.
Ndërton dhe mirëmban marrëdhënie të forta me partnerë, kontraktorë, klientë dhe palë të tjera të interesuara, duke vepruar si pikë kontakti kryesore e projektit.
Informon dhe mbështet strukturat përkatëse për sigurimin e dokumentacionit të pronësisë së tokës dhe lejeve të nevojshme për fillimin e zbatimit të projektit.
Menaxhon procesin e dorëzimit të projektit dhe procedurat e lidhura me Hipotekën.
Identifikon, vlerëson dhe menaxhon risqet e projektit, duke marrë masa parandaluese dhe korrigjuese për minimizimin e dëmeve, humbjeve dhe abuzimeve.
Kërkon vazhdimisht mundësi për përmirësim procesesh, inovacion dhe optimizim të kostove për të rritur performancën dhe kënaqësinë e klientit.
Kryen çdo detyrë tjetër të lidhur me projektin sipas kërkesës së eprorit.

Edukimi: Të zotërojë diplomë universiteti në Arkitekturë, Inxhinieri
Certifikime profesionale si PMP (Project Management Professional), përbëjnë avantazh.

Kualifikime të tjera:

Të zotërojë mbi 8 vite eksperiencë në industri të njëjtë të dokumentuar në pozicione manaxheriale;
Eksperiencë e provuar në menaxhimin e projekteve të investimit ndërtimor nga faza e projektimit deri në dorëzim, përfshirë menaxhimin e kontratave dhe buxheteve.
Eksperienca në projekte komplekse si marina, porte turistike, zhvillime waterfront ose projekte infrastrukturore bregdetare përbën avantazh.
Njohuri të forta mbi proceset e lejeve të ndërtimit, legjislacionin përkatës, standardet teknike dhe praktikat e industrisë.
Aftësi të zhvilluara në kontrollin e kostove, analizën financiare dhe finalizimin e projektit ne kohe dhe brenda buxhetit te miratuar.
Aftësi të forta analitike, zgjidhjeje problemesh dhe vendimmarrjeje, me qasje proaktive dhe të orientuar drejt rezultateve.
Aftësi shumë të mira organizative, planifikuese dhe koordinuese, me kapacitet për të menaxhuar procese dhe ekipe ndërfunksionale.
Aftësi të shkëlqyera komunikimi, negociimi dhe menaxhimi marrëdhëniesh me palët e interesuara në të gjitha nivelet.
Aftësi për të analizuar dhe interpretuar projekte teknike, kontrata dhe dokumentacion ligjor.
Njohuri shumë të mira të gjuhës angleze (njohja e një gjuhe tjetër të BE-së përbën avantazh).
Njohuri shumë të mira të MS Project / Zoho Project Management, paketës MS Office dhe programeve CAD.
Integritet profesional, vëmendje ndaj detajeve dhe orientim i lartë ndaj cilësisë.

Mënyra e aplikimit:

Të gjithë të interesuarit mund të aplikojnë duke dërguar CV-në e tyre dhe letrën e motivimit në linkun: https://balfindevelopment.zohorecru...00003903020/Project-Manager?source=CareerSite

Afati i aplikimit: 18/03/2026
Pas shqyrtimit do të kontaktohen vetëm kandidatët e përzgjedhur.
*Të gjitha aplikimet do të trajtohen me konfidencialitet të plotë sipas ligjit Nr. 9887 vendosur nga Kuvendi i Shqipërisë për “Mbrojtjen e të Dhënave Personale”.