Program Manager

Balfin DEVELOPMENT · 09.03.2026, 13:46

Balfin Development, pjesë e Grupit BALFIN, është një nga kompanitë kryesore investuese në zhvillimin e projekteve në Shqipëri dhe rajonin e Ballkanit.

Historia jonë e suksesit përfshin zhvillimin e disa prej projekteve më të mëdha në Shqipëri dhe ripërcaktimin e zhvillimit të luksit në të gjithë vendin dhe rajonin. Portofoli ynë përfshin projekte prestigjioze rezidenciale, turistike, industriale dhe komerciale, si Green Coast Resort & Residences, Vala Mar Residences, Rolling Hills Luxury Residences, etj. Balfin Development ka vendosur standardet e tregut duke përmirësuar ndjeshëm stilin e jetës në komunitet.

Grupi BALFIN është një nga grupet e investimeve lider në rajonin e Ballkanit Perëndimor që mishëron standardet ndërkombëtare me ekspertizë vendase. I themeluar në vitin 1993 në Vjenë nga Samir Mane, sot Grupi është i pranishëm në 11 vende, Austri, Shqipëri, Kosovë, Bosnje dhe Hercegovinë, Maqedoninë e Veriut, Mal të Zi, Zvicër, Kroaci, Holandë, SHBA dhe Kanada. BALFIN, një grup i larmishëm, aktiv në pasuri të paluajtshme, shitje me shumicë dhe pakicë, sistemin bankar, menaxhim asetesh, turizëm, arsim dhe logjistikë, punëson rreth 5000 njerëz. Totali i Aseteve të Grupit (përfshirë institucionin financiar) është 2.2 miliardë euro, sipas të dhënave të vitit 2023.

Pozicioni: Menaxher Programi
Vendndodhja: Tiranë

Përmbledhja e Pozicionit: Menaxheri i Programit është përgjegjës për drejtimin strategjik, koordinimin dhe menaxhimin e integruar të një Programi Investimi Ndërtimor, i cili përbëhet nga disa projekte të ndërlidhura. Programi mund të përfshijë komponentë që tejkalojnë kufijtë e projekteve individuale, duke kërkuar vizion të integruar, lidership ekzekutiv dhe orientim të fortë drejt rezultateve.
Qëllimi i rolit është të sigurojë realizimin e objektivave strategjike të kompanisë përmes menaxhimit të koordinuar të projekteve, optimizimit të burimeve, kontrollit të riskut dhe maksimizimit të performancës financiare dhe operacionale të Programit.

Detyrat dhe Përgjegjësitë Kryesore:

Zhvillon strategji biznesi me cilësi të lartë si dhe kujdeset që këto strategji të jenë në linjë të drejtë me objektivat afatgjatë dhe afatshkurtër, të paracaktuara në Planin e Biznesit.
Udhëheq dhe motivon vartësit me qëllim rritjen e angazhimit të tyre në kuadër të krijimit të një stafi menaxherial me performancë të lartë;
Mbikëqyr të gjitha operacionet dhe aktivitetet e Programit Ndërtimor për të siguruar rezultatet e dëshiruara;
Ndërmerr vendime strategjike për të çuar përpara Programin si dhe nxit rritjen e të ardhurave të kompanisë;
Siguron zbatimin e udhëzimeve ligjore dhe politikave të brendshme për të ruajtur përputhshmërinë ligjore dhe etikën e biznesit;
Analizon raportet financiare dhe operacionale të Programit, duke monitoruar shpenzimet dhe performancën financiare për të identifikuar devijime dhe për të propozuar masa korrigjuese;
Ndërton marrëdhënie besimi me partnerët kryesorë dhe palët e interesuara si dhe vepron si një pikë kontakti për kompaninë;
Menaxhon aktivitetet e programit me synimin e arritjes së objektivave të përcaktuara në marrëveshjet përkatëse të financimit të tyre;
Përgatit dhe monitoron Master Planin e aktiviteteve të Programit, duke përfshirë planifikimet vjetore, gjashtëmujore dhe tremujore dhe duke i përditësuar ato sipas progresit të projekteve
Përgatit buxhetin vjetor te konsoliduar te programit dhe planet e investimeve;
Menaxhon burimet financiare dhe njerëzore të programit;
Menaxhon riskun;
Raporton tek Drejtori Ekzekutiv sipas periudhave dhe formatit të përcaktuar në dokumentet e Projektit;
Analizon situata dhe ngjarje problematike dhe ofron zgjidhje për të siguruar fitimin dhe mbarvajtjen e Programit;
Zhvillon një staf menaxhimi të aftë për të konsoliduar suksesin afatgjatë të Programit;
Koordinon dhe integron kontributin e strukturave funksionale të përfshira në realizimin e Programit të Investimit;
Përcakton dhe propozon objektivat në nivel projekti;
Garanton marrjen e aprovimit nga CEO për gjithë rastet që përcaktohën në procedurat respektive të projekteve të programit;
Monitoron krijimin e ekipit dhe performancën e tyre;
Monitoron dhe garanton ekzekutimin e projekteve të miratuara sipas specifikimeve, standardeve, kostos, afatit;
Rishikon raportet e aktiviteteve dhe deklarimet financiare për të përcaktuar progresin dhe statusin e arritjes së objektivave;
Rishikon objektivat dhe planet në përputhje me kushtet e reja;
Vlerëson performancën e PM-ve te programit për realizimin në përputhje me politikat e vendosura, objektivat e kompanisë dhe kontributin e tyre në arritjen e këtyre objektivave;
Propozon nivelet e bonusit dhe përfitimeve për çdo punonjës;
Jep vlerësim pranë drejtuesit të strukturavepër specialistët e alokuar në funksion të Programit;
Jep vlerësim në bazë vjetore pranë CEO për performancën e strukturave funksionale të alokuara pranë Programit;
Përfaqëson kompaninë/Programin në sesione, mbledhje të komiteteve drejtuese dhe në funksionet formale;
Prezanton raportin e kompanisë/Programit në takimet mujore dhe vjetore pranë bordit te Real Estate;
Monitoron performancën financiare dhe cash flow të Programit përmes raporteve periodike dhe siguron përputhjen me planet e investimit.
Identifikon, vlerëson dhe menaxhon risqet e projektit, duke marrë masa parandaluese dhe korrigjuese për minimizimin e dëmeve, humbjeve dhe abuzimeve.

Edukimi: Të zotërojë diplomë universiteti në Arkitekturë, Inxhinieri, Menaxhim Biznesi

Eksperience Pune:Minimum 15 vite eksperiencë të dokumentuar në menaxhim projektesh, përfshirë pozicione drejtuese;

Kualifikime të tjera:

Kompetenca teknike

Eksperiencë e provuar në menaxhimin e disa projekteve njëkohësisht nga faza e konceptimit deri në dorëzim.
Njohuri të thella për hartimin, monitorimin dhe ekzekutimin e kontratave dhe buxheteve të projekteve
Njohje e legjislacionit për ndërtimin, lejeve të ndërtimit, standardeve teknike dhe praktikave më të mira në industri.

Kompetenca menaxheriale

Kapacitet për të identifikuar rreziqet, mundësitë dhe për të marrë vendime efektive në kohë.
Aftësi për të ndjekur progresin e projekteve dhe për të përgatitur raporte për menaxhmentin e lartë.
Optimizim i përdorimit të burimeve njerëzore dhe materiale në mënyrë efikase për të arritur objektivat.

Kompetenca ndërpersonale

Aftësi për të komunikuar qartë me te gjitha palët e përfshira ne projekte.
Aftësi për të negociuar kontrata dhe për të zgjidhur mosmarrëveshjet që lindin gjatë projekteve.
Përkushtim për të siguruar dorëzimin në kohë, brenda buxhetit dhe me standarde të larta cilësie.

Mënyra e aplikimit:

Të gjithë të interesuarit mund të aplikojnë duke dërguar CV-në e tyre dhe letrën e motivimit në linkun: https://balfindevelopment.zohorecru...00003903039/Program-Manager?source=CareerSite

Afati i aplikimit: 18/03/2026

Pas shqyrtimit do të kontaktohen vetëm kandidatët e përzgjedhur.

*Të gjitha aplikimet do të trajtohen me konfidencialitet të plotë sipas ligjit Nr. 9887 vendosur nga Kuvendi i Shqipërisë për “Mbrojtjen e të Dhënave Personale”.