Pozicioni: DREJTOR I DEPARTAMENTIT TË SHITJES ME PAKICË

BANKA E BASHKUAR E SHQIPERISE UBA · 24.04.2026, 16:07

PËRSHKRIMI I POZICIONIT TË PUNËS

DREJTOR I DEPARTAMENTIT TË SHITJES ME PAKICË

QËLLIMI I POZICIONIT:

Përgjegjës për drejtimin strategjik, zhvillimin dhe menaxhimin e aktivitetit të shitjes me pakicë, me fokus rritjen e biznesit, përmirësimin e përvojës së klientit, rritjen e përfitueshmërisë dhe zgjerimin e pjesës së tregut, në përputhje me strategjinë e përgjithshme të Bankës. Përgjegjës për zhvillimin përmirësimin dhe promovimin e produkteve te shitjes me pakicë të bankës, në përputhje me zhvillimet e tregut dhe përvojën e klientit.

DETYRAT DHE PËRGJEGJËSITË:

Kryen detyrat në përputhje me politikat dhe procedurat e B.B.SH, si dhe me kornizën ligjore të Shqipërisë në fuqi.

Zhvillon dhe përmirëson produktet për individ të bankës, në përputhje me zhvillimet e tregut dhe përvojën e klientit.
Merr pjesë në hartimin e strategjisë së biznesit per individe, planit të veprimit dhe buxhetit, në përputhje me strategjinë e përgjithshme të Bankës.
Siguron arritjen e objektivave të Departamentit brenda buxhetit të miratuar, si dhe monitoron dhe vlerëson në mënyrë të vazhdueshme performancën dhe rezultatet.
Merr përgjegjësi të plotë për rritjen e shitjeve dhe zgjerimin e pjesës së tregut.
Identifikon mundësi biznesi dhe rreziqe potenciale dhe paraqet rekomandime përkatëse Drejtorit të Përgjithshëm Ekzekutiv dhe Komiteteve kompetente të Bankës.
Cakton përgjegjësi dhe projekte për vartësit, në përputhje me rregullat e funksionimit të Departamentit.
Paraqet propozime për përmirësimin e sistemeve dhe proceseve të Departamentit.
Shqyrton raportet mbi ecurinë e punës dhe ndërmerr veprimet e nevojshme për përmirësimin e performancës.
Vlerëson rezultatet financiare të rrjetit (xhiron dhe rentabilitetin), mbikëqyr pasqyrat e fitim-humbjes për kategoritë e produkteve dhe ndërmerr veprimet e duhura ose paraqet rekomandime përkatëse pranë Drejtorit të Përgjithshëm Ekzekutiv.
Ruan konfidencialitetin e informacionit të përfituar dhe shmang përdorimin e tij për përfitime personale ose veprime në kundërshtim me ligjin apo interesat e Bankës.
Sqaron rolet dhe përgjegjësitë brenda departamentit për realizimin e detyrave.
Planifikon punën dhe organizon burimet për përmbushjen e objektivave.
Përcakton metodat më efikase, proceset e punës, pajisjet dhe teknikat për realizimin e detyrave të identifikuara.
Drejton dhe koordinon aktivitetet financiare, bankare dhe të tjera të nevojshme brenda Departamentit, duke promovuar bashkëpunimin ndërmjet degëve dhe Drejtorisë Qendrore.
Është përgjegjës për marketingun dhe shitjen e produkteve dhe shërbimeve bankare si financime për individë, mbledhje depozitash, rritjen e numrit të llogarive të pagave, e-banking etj.
Zhvillon dhe rishikon produktet e bankës, përmirëson produktet ekzistuese dhe krijon produkte të reja bazuar në nevojat e bankës dhe zhvillimet e tregut. Përgatit dhe prezanton produkte të reja për Komitetet përkatëse, duke siguruar implementim të suksesshëm në degë dhe agjenci.
Menaxhon portofolin e financimeve për individë, përfshirë shitjen e financimeve të reja, monitorimin e shlyerjes dhe raportimin mbi statusin e portofolit.
Siguron cilësinë e portofolit të financimeve, si dhe nivelin e vonesave në shlyerje (delinkuencën).
Mbikëqyr hartimin dhe zhvillimin e portofolit të produkteve dhe shërbimeve bankare per i dhe mban përgjegjësi të plotë për promovimin dhe menaxhimin e tij.
Vlerëson dhe përzgjedh teknikat e përshtatshme për parandalimin, minimizimin dhe reduktimin e humbjeve që lidhen me produktet per individ.
Drejton dhe koordinon aktivitetet për zbatimin e politikave dhe rregulloreve të Bankës, duke marrë parasysh proceset e punës në degë; vlerëson efektivitetin e politikave dhe procedurave aktuale dhe propozon ndryshime kur është e nevojshme.
Përgatit dhe prezanton një analizë të detajuar dhe gjithëpërfshirëse të performancës së çdo dege dhe të Departamentit në tërësi për menaxhimin e lartë, duke përfshirë treguesit kryesorë të rrjetit të biznesit, duke perfshire gjetjet dhe rekomandimet.
Identifikon mangësitë dhe zonat me performancë të ulët ose jo-performuese në aktivitetin e degëve dhe propozon masa korrigjuese bazuar në objektiva dhe udhëzimet e menaxhimit të lartë.
Përgatit raporte financiare dhe të tjera të kërkuara nga menaxhimi dhe autoritetet shtetërore, në përputhje me ligjet dhe rregulloret në fuqi.
Është përgjegjës për ndjekjen e realizimit të objektivave të Departamentit.
Analizon rrjetin e degëve për të vlerësuar mundësitë për zgjerim ose tkurrje.
Mbikëqyr dhe asiston stafin, duke theksuar ndershmërinë, objektivitetin, përkushtimin, përpikmërinë, sjelljen profesionale, efikasitetin, arritjen e progresit dhe paraqitjen e rregullt profesionale gjatë orarit të punës.
Trajnon, motivon dhe kryen trajnim të ndërsjellë të drejtuesve të degëve për përgjegjësitë dhe projektet, për të siguruar konsistencë, saktësi, përpikmëri dhe respektim të procedurave standarde operative të bankës.
Monitoron performancën e punonjësve në degë, verifikon saktësinë e llogaritjeve të Skemës së Incentivave të Shitjes dhe përgatit tabelën e bonuseve për secilin punonjës.
Merr raportet nga auditimi i brendshëm, ndjek problematikat me drejtuesit përkatës të degëve dhe siguron zbatimin e rekomandimeve.
Kryen vlerësimin e performancës për stafin nën mbikëqyrje.
Vlerëson nevojat për trajnim për stafin nën mbikëqyrje, përgatit planin e trajnimit dhe e paraqet atë te Menaxheri i Burimeve Njerëzore.
Kryen detyra të tjera që burojnë nga rregulloret e brendshme të Bankës dhe sipas udhëzimeve të Drejtorit Ekzekutiv përgjegjës për Grupin e Biznesit.

KËRKESAT E PËRGJITHSHME:

Minimumi 10 vite përvojë në pozicione drejtuese në sektorin bankar;
Diplomë Bachelor në administrim biznesi, Finance/Banke ose fusha të ngjashme; diplomë Master përbën avantazh;
Aftësi të forta analitike dhe strategjike, me kapacitet për të përkthyer analizat e tregut në plane konkrete veprimi;
Aftësi të shkëlqyera drejtuese, me fokus në motivimin dhe zhvillimin e ekipeve me performancë të lartë;
Aftësi shumë të mira komunikimi dhe ndërpersonale, me kapacitet për të ndërtuar marrëdhënie të forta me palët e brendshme dhe të jashtme;
Aftësi të dëshmuara për të operuar në struktura komplekse organizative dhe për të bashkëpunuar në mënyrë efektive me ekipe ndërfunksionale;
Qasje proaktive në zgjidhjen e problemeve dhe marrjen e vendimeve, me ndjenjë të lartë përgjegjshmërie dhe integriteti.

LINJA E RAPORTIMIT:

Drejtori i Departamenit të Shitjes me Pakicë zbaton dhe respekton udhëzimet dhe urdhrat, dhe raporton drejtpërdrejt te Drejtori i Përgjithshëm Ekzekutiv (CEO) për aktivitetin dhe çdo çështje që lidhet me përmbushjen e detyrave të ngarkuara.

VLERËSIMI I PERFORMANCËS:

Performanca e Drejtorit të Departamenit të Shitjes me Pakicë vlerësohet nga CEO, në përputhje me politikat dhe procedurat e Bankës.

Të gjithë kandidatët e interesuar të dërgojnë CV e tyre dhe letrën e motivimit në adresën e e-mailit hr@uba.com.al . Ju bëjmë me dije që vetëm kandidatët e përzgjedhur do të kontaktohen për intervistë.

Afati i fundit i aplikimit 08 Maj, 2026.

BANKA E BASHKUAR E SHQIPERISE UBA

Pozicioni: DREJTOR I DEPARTAMENTIT TË SHITJES ME PAKICË