KIABI TEG, Asistent Shitje

Kiabi · 12.05.2026, 15:20

Njoftim Punësimi

Unlimited Fashion është partneri ekskluziv i markës franceze KIABI, e njohur për koleksionet e saj të modës stilizuese, gjithëpërfshirëse dhe të përballueshme, në Evropën Juglindore. Ne përfaqësojmë me krenari këtë markë në të gjitha vendet e Ballkanit Perëndimor. E themeluar në vitin 1978 në Veri të Francës, KIABI revolucionarizoi industrinë e veshjeve të gatshme me konceptin e saj pionier të modës me çmime të ulëta, duke ofruar një qasje gjithëpërfshirëse që ndryshoi mënyrën se si vishen familjet.

Grupi BALFIN prezantoi markën e njohur globalisht të KIABI-t në Shqipëri, Maqedoninë e Veriut, Mal të Zi dhe Kosovë. Duke ofruar një gamë të gjerë produktesh cilësore dhe të qëndrueshme me çmime konkurruese, grupi përmirëson përvojën e blerjes për klientët dhe krijon një destinacion të plotë për modën e familjes.

Grupi BALFIN është një nga grupet më të suksesshme të investimeve në Ballkanin Perëndimor. I themeluar në vitin 1993, Grupi sot operon në Austri, Shqipëri, Kosovë, Bosnjë-Hercegovinë, Kroaci, Maqedoninë e Veriut, Zvicër, Malin e Zi, Holandë, Kanada dhe Shtetet e Bashkuara të Amerikës.

Portofoli i tij i diversifikuar përfshin disa sektorë, duke përfshirë bankarizmin, zhvillimin e pasurive të patundshme, shitjet me shumicë dhe pakicë, menaxhimin e aseteve, turizmin, logjistikën, arsimin dhe argëtimin.

Me një forcë punëtore prej rreth 5,500 profesionistësh, Grupi BALFIN vazhdon të rritet me ritme të qëndrueshme, i udhëhequr nga etika të forta biznesi, stabiliteti financiar, inovacioni dhe angazhimi afatgjatë për ndikimin në komunitet përmes Fondacionit Mane.

Pozicioni: Asistent Shitje

Departmenti: Retail

Lokacioni: Kiabi TEG

Të sigurojë zbatimin e operacioneve dhe konceptet e visual merchandising me qëllim rritjen e shitjeve dhe përmirësimin e eksperiencës së klientit në dyqan.

Detyrat dhe Pergjegjesite:

Përgjegjësia për të dorëzuar planin mujor të shitjeve të sektorit të tij/saj;
Komunikimi dhe shërbimi me klientët sipas standarteve të kompanisë;
Përgjegjësia për mirëmbajtjen e sektorit të tij/saj;
Ndjekja dhe zbatimi i udhëzimeve të shitjes në sektorin e tij/saj;
Organizimi i pozicionimit dhe paraqitjes së produkteve në sektorin e tij/saj;
Menaxhimi i ankesave dhe komenteve të klientëve sipas standarteve të kompanisë;
Njohje dhe monitorim shumë të mirë të stokut të produkteve të sektorit të tij/saj;
Organizimi dhe propozimi i porosive të produkteve nën përgjegjësin e tij/saj;
Realizimi i inventarëve për sektorin e tij/saj dhe raportimi i rezultateve;

Kualifikimet:

Diplomë e Shkollës së Mesme, (Diploma Universitare përbën avantazh);
Minimum 2 vjet përvojë pune në shitje me pakicë;
Njohuri të gjuhës angleze (përbën avantazh);

Aftësi të forta shitjeje;

I/e orientuar drejt rezultatit dhe i/e motivuar nga shitjet;
Fokus te shërbimi cilësor ndaj klientit;
Sjellje pozitive dhe optimiste;
Vëmendje ndaj detajeve;
Aftësi bashkëpunimi;

Kushtet e punës: Unlimited Fashion ofron një paketë përfitimesh tërheqëse, duke përfshirë një pagë të drejtë bazuar në meritë dhe në vlerësimin e performancës.

Procedura e aplikimit: Për të aplikuar për këtë pozicion, ju lutemi të dërgoni CV-në dhe letrën motivuese në hr@unlimitedfashion.al deri më 22/05/2026

*Të gjithë kandidatët e përzgjedhur pas shqyrtimit të CV-ve do të kontaktohen nga Ekipi i Burimeve Njerëzore.

*Të gjitha aplikimet do të trajtohen me konfidencialitet të rreptë në përputhje me Ligjin Nr. 9887 të Kuvendit të Shqipërisë për “Mbrojtjen e të Dhënave Personale”.