[Balfin Real Estate]

Himare

Tipi

1. me orar te plote

Fusha | Profili i punes

1. Hidraulik

Gjuha

Eksperienca

vetem me eksperience

Balfin Real Estate & Hospitality është pjesë e Grupit BALFIN dhe mbulon shërbime shitje & marketing në fushën e Real Estate dhe shërbime akomoduese në industrinë e turizmit, duke ofruar në treg një ekspertizë të nivelit të lartë.

Balkan Finance Investment Group, BALFIN Group, është një nga grupet investuese më të rëndësishme dhe më të suksesshme në rajonin e Ballkanit Perëndimor. Gjeografikisht Grupi BALFIN është i pranishëm në Austri, Shqipëri, Kosovë, Bosnjë dhe Hercegovinë, Maqedoninë e Veriut, Mal të Zi, Zvicër dhe Holandë, me afërsisht 5,200 punonjës në total. Aktivitetet e Grupit BALFIN përfshijnë zhvillimin dhe menaxhimin e pasurive të patundshme, shitjet me shumicë dhe pakicë, sistemin bankar, menaxhimin e aseteve, mediat dhe logjistikën. Grupi BALFIN po rritet në mënyrë të qëndrueshme dhe kontribuon në përmirësimin e jetesës së komuniteteve përmes zhvillimit ekonomik, prezantimit të ideve të reja, punësimit dhe investimeve sociale.

Pozicioni: Teknik Hidraulik në Green Coast Resort and Residences
Departamenti: Asete dhe Shërbime
Vendndodhja: Green Coast Resort and Residences, Palasë

Përmbledhja e Pozicionit:
Tekniku Hidraulik në departamentin e Aseteve dhe Shërbimeve në Green Coast Resort and Residences është përgjegjës për leximin dhe monitorimin e konsumit të ujit, për kryerjen e të gjitha shërbimeve hidraulike në impiantin e filtrimit të ujit, linjat e furnizimit, sistemin KUZ, panelet diellore, hidrantë, impiantet e vaditjes, pishinave, ITUN, elektropompave, etj.) si dhe monitoron/ kontrollon mbarëvajtjen e sistemit duke raportuar për gjendjen teknike tek Supervizori Teknik, në mungesë të tij te Menaxheri i Mirëmbajtjes.

Detyrat dhe Përgjegjësitë Kryesore:

• Monitoron furnizimin/ konsumin dhe konstaton ndërprerjen e furnizimit me ujë duke raportuar te Supervizori Teknik;
• Është përgjegjës për shërbimet e të gjitha proceseve hidraulike referuar sistemeve teknike të instaluara duke kryer kontrollin e pajisjeve, ndërhyrjet e nevojshme dhe mirëmbajtjen e përditshme të sistemeve;
• Kryen punimet hidraulike në rastet e nevojshme apo emergjente;
• Merr masa të menjëhershme dhe lajmëron supervizorin përkatëse në mungesë të këtij të fundit, njofton menaxherin e mirëmbajtjes kur vëren ndërhyrje në rrjetin e furnizimit me ujë nga persona të paautorizuar;
• Kujdeset për depot e furnizimit me ujë dhe raporton tek supervizori përkatës për problematikat që lidhen me sigurinë;
• Zbaton me rigorozitet rregulloren e sigurimit teknik.

Eksperiencat e punës:

• Të ketë eksperiencë pune minimalisht 3 vjet në profile të ngjashme zbatimi;

Aftësi të tjera:

• Të ketë diplomë të shkollës së mesme profesionale apo certifikatë për sistemet hidraulike;
• Të njohë mirë sistemet hidraulike dhe mënyrën e funksionimit të tyre;
• Të ketë njohuri rreth sistemeve të tjera mekanike dhe hidraulike;
• Të jetë i aftë të operojë dhe t’i japë zgjidhje problemeve dhe defekteve të ndryshme hidraulike;
• Certifikime të ndryshme në fushën Hidro përbëjnë avantazh;
• Njohuri shumë të mira të rregullores së sigurimit teknik;
• Aftësi kompetente në instalimet hidraulike, në kontroll dhe mirëmbajtje rrjeti;
• Aftësi për të evidentuar dhe raportuar problemet;
• Aftësi shumë të mira komunikimi dhe aftësi ndërpersonale.

Kushtet e Punës:
Balfin Real Estate & Hospitality është një punëdhënës me mundësi të barabarta që ofron një mjedis pune profesional dhe dinamik, një paketë tërheqëse kompensimi dhe përfitimesh dhe mundësi për të shpalosur plotësisht potencialin tuaj profesional.

Mënyra e aplikimit:
Të gjithë të interesuarit mund të aplikojnë duke dërguar CV-në e tyre dhe letrën e motivimit në këtë link

Afati i dorëzimit: 25/01/2023

*Të gjitha aplikimet do të trajtohen me konfidencialitet të plotë sipas ligjit Nr. 9887 vendosur nga Kuvendi i Shqipërisë për “Mbrojtjen e të Dhënave Personale”.