Financier Kantieri, Projekti " Vlora Marina"

Balfin Construction · 01.08.2022, 10:41

Balkan Finance Investment Group, BALFIN Group, është një ndër grupet investuese më të rëndësishme dhe më të suksesshme në rajonin e Ballkanit Perëndimor. Aktivitetet e Grupit BALFIN përfshijnë zhvillimin dhe menaxhimin e pasurive të paluajtshme, tregtinë me pakicë, industrinë minerare, sistemin bankar, turizmin, energjinë, logjistikë, etj. Gjeografikisht Grupi është i pranishëm në Austri, Shqipëri, Kosovë, Bosnjë dhe Hercegovinë, Maqedoni e Veriut, Mali i Zi dhe Vendet e Ulta duke punësuar më shumë se 5000 persona. Grupi BALFIN është në rritje të vazhdueshme dhe synon përmirësimin e qëndrueshëm dhe afatgjatë të komuniteteve nëpërmjet zhvillimit ekonomik, rritjen e punësimit dhe investimeve sociale.

Kompania Mane TCI, pjesë e Grupit BALFIN, është lider në ndërtim dhe investim të projekteve zhvilluese, në Shqipëri dhe rajon. E themeluar në vitin 2001, Mane TCI është e specializuar në fushën e ndërtimeve civile dhe industriale si: Qendra Tregtare, Godina Rezidenciale, Qendra Sociale dhe Kulturore, ndërtime industriale dhe infrastrukturë.

Pozicioni: Financier/e Kantieri
Departamenti: Financë
Vendndodhja: Projekti “Vlora Marina”, Vlorë

Përmbledhja e Pozicionit: Financieri i Kantierit ndjek nga pikëpamja financiare dhe monitoron projektin Vlora Marina dhe raportimet që lidhen me këtë projekt. Kontrollon kontabilizimin e faturave të blerjes dhe shitjes në përputhje me legjislacionin fiskal në fuqi. Krijon dhe ndjek raportin e shpenzimeve suplementare të projektit. Kontrollon në mënyrë të detajuar shpenzimet dhe të ardhurat mujore të realizuara të projektit përkatës që ka në ndjekje.

Detyrat dhe Përgjegjësitë Kryesore:

Ndjek dhe monitoron projektin Vlora Marina dhe raportimet që lidhen me këtë projekt;
Kontrollon kontabilizimin e faturave të blerjes dhe shitjes në përputhje me legjislacionin fiskal në fuqi;
Rakordon dhe kontrollon llogaritë e arkëtueshme dhe të pagueshme në mënyrë periodike për projektin ;
Krijon, koordinon dhe monitoron raportet që gjeneron departamenti i financës në përputhje me kërkesat e menaxhimit të shoqërisë;
Krijon dhe ndjek raportin shpenzime suplementare të projektit;
Kontrollon në mënyrë të detajuar shpenzimet dhe të ardhurat mujore të realizuara të projektit përkatës që ka në ndjekje;
Ndjek procesin e inventarit të Aseteve si dhe përgatit Analizën Kontabël /Fizik për asetet e shoqërisë;
Ndjek procesin e inventarit Fizik të materialeve të para si dhe përgatit Analizën Kontabël /Fizik të artikujve të magazinës;
Ndjekja e procesit te stokut te magazinës me magazinierin dhe departamentin e kostove;
Asiston departamentin gjate proceseve audituese me auditorët ;
Çdo detyrë tjetër që i caktohet.

Edukimi: Të zotërojë diplomë universitar në programet e studimit Financë/Kontabilitet.

Kualifikime të tjera:

Të ketë minimumi 3-5 vjet eksperiencë në profesion;
Të ketë njohuri të mira të Standardeve të reja Kombëtare të Kontabilitetit si dhe të Standardeve Ndërkombëtare të Kontabilitetit (IFRS);
Të jetë i aftë të punojë pa/ose me pak supervizim;
Të ketë iniciativë, të jetë komunikues, të punojë mirë në grup dhe nën stres;
Të jetë i orientuar për të ndjekur problemet dhe për të arritur zgjidhjen përfundimtare;
Të zotërojë programin Navision si dhe të ketë njohuri të mira të programit Financa 5;
E preferueshme njohja e gjuhës angleze;
Eksperiencë e mëparshme pune në kompani ndërtimi/investimi është favorizuese.

Mënyra e aplikimit: Të gjithë të interesuarit mund të aplikojnë duke dërguar CV-në e tyre dhe letrën e motivimit link: https://manetci.zohorecruit.eu/jobs/Careers/21072000000897185/Financier-Kantieri?source=CareerSite

Afati i dorëzimit: 11/08/2022
*Të gjitha aplikimet do të trajtohen me konfidencialitet të plotë sipas ligjit Nr. 9887 vendosur nga Kuvendi i Shqipërisë për “Mbrojtjen e të Dhënave Personale”.

Balfin Construction

Financier Kantieri, Projekti " Vlora Marina"