[IXHEM shpk]

Durres

Tipi

1. me orar te plote

Fusha | Profili i punes

1. Inxh. Ndertimi

Eksperienca

vetem me eksperience

I.XH.E.M sh.p.k., kompani e specializuar në projektimin, prodhimin dhe montimin e elementeve të paraprefabrikuara të betonit, kërkon të punësojë Inxhinier për Kontrollin e Cilësisë së Parafabrikateve (QC Engineer) , i cili do të jetë përgjegjës për kontrollin teknik të elementeve gjatë gjithë procesit të prodhimit, duke garantuar përputhshmërinë e tyre me projektet, specifikimet teknike dhe standardet e cilësisë së kompanisë.

Detyrat kryesore:

• Kontrollon armaturën, kallëpet, insertet dhe rezervimet përpara betonimit.
• Verifikon përputhshmërinë e elementeve me projektet teknike dhe autorizon betonimin vetëm pasi të jenë përmbushur të gjitha kriteret e kontrollit.
• Kryen kontrollin e elementeve pas betonimit, duke verifikuar dimensionet, cilësinë e sipërfaqes dhe praninë e defekteve.
• Identifikon, regjistron dhe raporton elementet jo-konformë dhe ndjek procesin e riparimit të tyre.
• Monitoron zbatimin e procedurave të kontrollit të cilësisë gjatë procesit të prodhimit.
• Përgatit raportet teknike dhe dokumentacionin përkatës mbi kontrollin e cilësisë.
• Bashkëpunon me Drejtorin e Fabrikës, Inxhinierët e Zbatimit dhe ekipin e prodhimit për zgjidhjen e problematikave teknike.

Kualifikimet:

• Diplomë universitare në Inxhinieri Ndërtimi.
• Përvojë pune në kontroll cilësie, zbatim ose prodhim të elementeve të betonit përbën avantazh.
• Aftësi në leximin dhe interpretimin e projekteve teknike.
• Njohuri mbi armaturën, betonin, kallëpet dhe procesin e prodhimit të parafabrikateve.
• Aftësi të mira analitike, organizative dhe komunikimi.
• Njohuri në përdorimin e paketës Microsoft Office.

Personat e interesuar që plotësojnë kërkesat e mësipërme janë të lutur të kontaktojnë në numrin e telefonit 069 40 87 215 ose të dërgojnë CV-në e tyre në adresën e e-mailit: hr@ixhem.com .
Adresa: Vrrine, Sektor Rinia Durrës.

Të gjitha aplikimet do të trajtohen me konfidencialitet, në përputhje me Ligjin Nr. 124/2024 për Mbrotjen e të Dhënave Personale