Tirane, ofroj vend pune Operator dhe Shërbimi i Klientit Online

Profesionisti Recruitment Agency · 17.08.2021, 18:57

Profesionisti Recruitment Agency, për llogari të një Klienti lider në sektorin Retail, është në kërkim të kandidatëve për pozicionin e punës Operator dhe Shërbimi i Klientit për E-shop.
Përmbledhja e pozicionit: Siguron një shërbim të shkëlqyer ndaj Klientëve online, në përputhje me të gjitha rregullat dhe politikat e kompanisë, me qëllim rritjen e kënaqësisë së klientit dhe arritjen e objektivave të kompanisë.

Detyrat dhe përgjegjësitë:

Mirëpret dhe ndjek çdo kërkesë dhe komunikim nëpërmjet rrjeteve sociale, internetit, livechat ose telefonit.
Dëgjon me vëmendje maksimale kërkesën e klientit dhe siguron që e ka kuptuar nevojën e tij, jep zgjidhje ose rekomandon alternativa të përshtatshme.
Ofron informacion duke i ardhur në ndihmë Klientit për udhëzimet e publikuara në faqen e dyqanit online apo njoftimet e bëra në rrjetet sociale, shërbimet në dispozicion, gamën e produkteve dhe ofertat promocionale. U përgjigjet me dedikim pyetjeve dhe kërkesave dhe vlerëson nevojat e klientëve.
Monitoron në mënyrë të vazhdueshme sistemin e blerjeve online dhe raporton për çdo problem që konstatohet tek Menaxheri apo departamenti përgjegjës.
Jep udhëzime mbi regjistrimin e klientit, kartën e klientit, tarifat e transportit, mënyrat e pagesave dhe shpjegon me interes çdo shërbim tjetër që mund të kërkoje klienti.
Bashkëpunon ngushtë me departamentet e tjera, në mënyrë për të kënaqur nevojat e klientëve. Trajton kërkesat e klientëve në mënyrë profesionale dhe efikase.
Raporton në fund të turnit mbi transaksionet që janë në proçes dhe sigurohet që informacioni është i njëjtë me atë që ka operatori i logjistikës.

Kualifikimet e kërkuara:

Minimumi 1 vit eksperincë pune në pozicione të ngjashme
Njohuri të mira të aplikimeve të Microsoft Office.
Të ketë njohuri shumë të mira kompjuterike dhe të rrjeteve sociale
Të ketë aftësi shumë të mira komunikuese;
Të ketë personalitet të qetë dhe integritet të lartë;
Trajnimet ne fushën relevante do të kenë përparësi;
Të jetë i aftë të punojë në ekip
Të ketë aftësi të mira organizative të kohës dhe prioriteteve
Përbën avantazh eksperienca e mëparshme e punës në vendet e BE

Edukimi: Diplome Universitare ne Marketing, Shkenca Sociale, Teknologji Informacioni

Në rast se posedoni cilësitë e listuara më sipër, ju lutem të dërgoni CV tuaj duke specifikuar pozicionin në fjalë në adresën tonë elektronike: rekrutim@profesionisti.al ose mund të kontaktoni në numrat e kontaktit: +355 68 208 1362 / +355 68 208 1357
"Të gjitha aplikimet do të trajtohen me konfidencialitet të plotë sipas ligjit Nr. 9887 vendosur nga Kuvendi i Shqipërisë për "Mbrojtjen e të Dhënave Personale”