Tirane, ofroj vend pune Finance/Kontabilitet
FINANCIER/E NË ZYRË KONTABILITETI
Kompania “Balkans Capital” e specializuar në ofrimin e shërbimeve financiare për biznese dhe organizata vendase e të huaja, shpall të lirë pozicionin e punës: “Financier/e”
Pozicioni: Financier/e
Vendodhja: Rr “Brigada 8” ish-Blloku, Tirane
Përmbledhja e Pozicionit: Finance/Kontabilitet: përgjegjës/e për menaxhimin e përditshëm të detyrave të tij/saj në përputhje me politikat e përgjithshme të kompanisë.
DETYRAT DHE PËRGJEGJËSITË
FUNKSION FINANCIAR
- Regjistrimi i faturave të blerjes, shitjes në sistemin e financës;
- Regjistrimi i veprimeve të arkës në sistemin e financës;
- Kontrolli i saktësise së hedhjes së veprimeve me bankat dhe arkën në financë;
- Përgatitja e raporteve ditore të gjendjes dhe levizjes së fondeve në banka/arke;
- Rakordimi periodik i gjendjes së llogarive bankare me ato në kontabël;
- Mirëmbajtja e listës së aseteve të kompanisë, planeve të amortizimit dhe hedhjet e veprimeve regjistruese përkatëse në financë;
- Përgatit procesin e inventarit në fund të muajit dhe rakordon gjendjen kontabël me fizike;
- Kryen inventarin fizik të arkës periodikisht;
- Kontrolli i librave të blerjeve dhe shtijes
- Rakordim i palëve të treta;
- Deklarimet në sistemin tatimor online
- Hartimi i Pasqyrave Financiare
- Çdo detyrë tjeter që i përshtatet pozicionit të punës.
FUNKSION KOORDINUES
- Sigurohet që të gjitha operacionet e kompanisë të kryhen në përputhje me politikat e vendosura nga punëdhënësi;
- Përpilon dhe raporton te punëdhënësi në kohë për problematika të caktuara që kompania ka në lidhje me klientët;
- Përpilon me përgjegjësi listë prezencat mujore të stafit, duke zbatuar të gjitha rregullat e përcaktuara në këtë drejtim (orarin normal të punës, orët jashtë orarit, ditët e festave zyrtare, lejet e zakonshme, etj), së bashku me kalkulimin e borderove dhe kërkon miratimin nga punëdhënësi;
KUALIFIKIMET DHE AFTËSITË E KËRKUARA
- Diplomë në Degën Financë ose/dhe Kontabilitet,
- Preferohet me eksperiencë të mëparshme në zyrë kontabiliteti (4 vjet);
- Aftësi shumë të mira të programeve financiare dhe paketës Office;
- Aftesi shumë të mira komunikuese dhe për të punuar në grup;
- Aftësi shumë të mira analitike, saktësi në kryerjen e detyrave;
- Aftësi shumë të mira kontrolluese dhe organizuese;
- Me iniciative dhe i/e aftë të punojë në mënyrë të pavarur.
- Njohja e gjuhëve të huaja ( anglisht dhe italisht)
Mënyra e aplikimit: Kandidatët e interesuar mund të dërgojnë aplikimet e tyre me e-mail në adresën tonë elektronike [COLOR=#696969]info@balkanscapital.al[/COLOR]me subjekt “Financë - Aplikim pune"
Afati i dorëzimit: 29/03/2021
*Të gjitha aplikimet do të trajtohen me konfidencialitet të plotë sipas ligjit Nr 9887 vendosur nga Kuvendi i Shqipërisë për “Mbrojtjen e të Dhënave Personale”.
Apply