Tirane, ofroj vend pune Specialist/e Shitje

USLUGA, një ndër kompanitë e para dhe më të mëdha e fokusuar në ndërtim dhe manaxhim pronash në Shqipëri, kërkon të punësojë:
Specialist/ e Shitjesh -- përgjegjës për ofrimin e shërbimit superior ndaj klientëve duke shërbyer si kontakt kyç i kompanisë me synim realizimin e shitjeve.


Detyrat

• Ka kontakt të vazhdueshëm me agjensitë dhe krijon databaza me agjensi/ klientë potencialë.
• Mban dhe rifreskon databazën e klientëve duke vendosur dhe ruajtur raporte te mira dhe afatgjata me klientët ekzistues dhe ata potencialë.
• Skedulon takime me klientët dhe kryen vizita në të gjitha hotelet e kompanisë.
• Suporton manaxhimin e rrjeteve sociale të agjensisë.
• Raporton periodikisht në strukturat përkatëse lidhur me rezultatet e arritura.
• Gjenerimi i klientëve të rinj për shitjen ose marrjen me qera të pronave të kompanisë.
• Këshillimi i klientëve në lidhje me kushtet e tregut, çmimet dhe hipotekat.
• Krijimi i listave për pronat që janë në shitje, duke përfshirë informacionet për lokacionin, karakteristikat e ndërtimit, sipërfaqet etj.
• Realizimi i prezantimit të pronave për blerësit dhe qermarrësit potencialë.
• Rishikimi i kontratave të blerjes për t’u siguruar që të gjithë termat janë përmbushur.
• Promovimi i pronave nëpërmjet reklamimit.
• Përgatitja e kontratave të besnikërisë, marrëveshjeve të blerjeve, të dhënies me qera dhe të gjithë dokumentacionit të nevojshëm për çdo transaksion të kryer.
• Përcaktimi i nevojave dhe mundësive financiare të klientëve dhe propozimi i zgjidhjeve të personalizuara për secilin klient në varësi të kërkesave të tyre.
• Mirëmbajtja dhe rifreskimi i listave për pronat që janë në dispozicion.
• Komunikimi me klientët të jetë i pasuruar me terminologjinë e duhur rreth tregut të pasurive të paluajtshme.

Kualifikimet

• Diplomë Bachelor në Administrim Biznesi, Marketing, Komunikim apo fusha të tjera të lidhura me to.
• Eksperiencë mbi 3 vite (Në fushën e hotelerisë përbën avantazh).
• Aftësi shumë të mira komunikuese dhe negociuese.
• Të jetë energjik/e dhe i/ e motivuar.
• Aftësi të mira organizative.
• Njohës i mirë i gjuhës angleze (Gjuhë të tjera të huaja përbëjnë avantazh).
• Ofrohet rrogë bazë dhe bonuse të kënaqshme bazuar në performancën e arritur

Për të aplikuar në këtë pozicion pune, dërgo CV në: info@usluga.al
Të gjitha aplikimet do të trajtohen me konfidencialitet të plotë sipas ligjit Nr.9887, datë 10.03.2008 i ndryshuar, vendosur nga Kuvendi i Shqipërisë për "Mbrojtjen e të Dhënave Personale”.