Tirane, ofroj vend pune Asistent Projekti

MUNDËSI PUNËSIMI - ASISTENT PROJEKTI
Magnum Opus Group (MOG) hap pozicionin e punës Asistent Projekti.
Qëllimi i këtij pozicioni pune është të ofrojë mbështetje për grupin e ekspertëve të kompanisë MOG, për zhvillimin dhe zbatimin e projekteve & programeve.
Detyrat kryesore që ushtrohen nga ky pozicion pune janë:

• Ndihmon dhe mbështet ekspertët për zhvillimin e projekteve në përputhje me procedurat e planifikimit, organizimit dhe monitorimit;
• Mbledh informacion të nevojshme për zhvillimin e projekteve;
• Kryen analiza te detajuar dhe propozon opsione, ide, alternativa për zgjidhje;
• Merr pjesë në mbledhje, takime, diskutime, të cilat realizohen në kuadër të vlerësimit të nevojave dhe propozimit të zgjidhjeve, duke identifikuar dhe zbardhur çështjet kryesore të diskutimeve;
• Nën orientimin dhe drejtimin e supervizorit, merr pjesë në hartimin/draftimin e dokumenteve, propozimeve, ofertave, planeve, projekteve, si dhe ndjek dhe i rishikon ato sipas komenteve, në gjuhën shqipe dhe angleze;
• Përkthen materiale nga shqip në anglisht dhe e anasjelltas;
• Harton materialet prezantuese në kuadër të prezantimit tek klientët të projekt- ideve, propozimeve, zgjidhjeve, etj.

PROFILI I KANDIDATIT
Njohuritë dhe aftësitë:

• Preferohen kandidatët me formim ekonomik ose juridik, që kanë mbyllur ciklin e plotë të studimeve universitare (3+2) ose që janë në përfundim të studimeve master;
• njohuri shumë të mira të gjuhës angleze;
• aftësi në përdorimin e paketës Microsoft Office;
• aftësi të mira prezantuese dhe për të shkruar raporte, memo, etj;
• individë me vlera të larta etike, me qasje pozitive dhe të përgjegjshëm.

APLIKIMI
Për t’u bërë pjesë e procesit të përzgjedhjes, të gjithë të interesuarit janë të lutur të dërgojnë një CV dhe letër motivimi në adresën pune@mog.al brenda datës 10 Tetor 2020.