Vlore, kerkohet Inxhinier Mekanik

Balkan Finance Investment Group është një ndër grupet private investuese më të mëdha në Shqipëri dhe rajon, i pranishëm me aktivitete për zhvillimin e pasurive të paluajtshme, shitjet me pakicë, ofrimin e shërbimeve dhe menaxhimin e hapësirave tregtare apo industriale, të Kompanisë.

Kompania Mane TCI është lider në ndërtimin dhe investimin e projekteve zhvilluese, në Shqipëri dhe rajon. E themeluar në vitin 2001, Mane TCI është e specializuar në fushën e ndërtimeve civile dhe industriale si: Qendra Tregtare, Godina Rezidenciale, Qendra Sociale dhe Kulturore, ndërtime industriale dhe infrastrukturë.

Pozicioni: Inxhinier Mekanik
Departamenti: Teknik
Vendndodhja: Palasë/Vlorë

Përmbledhja e Pozicionit: Inxhinieri Mekanik koordinon të gjitha shërbimet mekanike, si para ndërtimit, ashtu edhe gjatë zbatimit të projektit në njësitë e Kantierit Green Coast. Mbikëqyr instalimin e të gjitha sistemeve mekanike/hidrosanitare të përfshira në projekt. Planifikon, organizon dhe menaxhon punën për të qëndruar brenda buxhetit dhe për të përfunduar një projekt me cilësi të lartë.

Detyrat dhe Përgjegjësitë Kryesore:

• Ndjek ecurinë e punimeve mekanikë në faza, që nga projekt ideja, zbatimi dhe kolaudimi përfundimtar;
• Planifikon, organizon dhe mbikëqyr punën e nënkontraktorëve mekanikë për t’u siguruar se të gjitha punimet po kryhen sipas parametrave të përcaktuara në projekt;
• Përgatit ose koordinon gjithë dokumentacionin tekniko–ligjor për marrjen e lejeve përkatëse në institucionet shtetërore;
• Rishikon dhe harton koston e instalimeve mekanike duke përgatitur preventivin total;
• Identifikon tregun e materialeve dhe të instalatorëve mekanikë vendas ose të huaj dhe koordinon me departamentet e tjera për mënyrën e përzgjedhjes;
• Koordinon punën midis grupeve të ndryshme instalatore;
• Aprovon materialet të cilat implementohen në kantier;
• Përgatit dhe monitoron grafikun e zbatimit të punimeve mekanike në përputhje me grafikun e përgjithshëm të objektit;
• Harton dhe kontrollon situacionet mujore;
• Harton dhe plotëson preventivat e ndryshimeve të ardhura si kërkesë nga klienti;
• Harton, mbikëqyr dhe mirëmban në mënyrë periodike sistemin e instalimeve mekanike gjatë fazës të shfrytëzimit;
• Përpilon dhe koordinon punën për përgatitjen e manualeve të mirëmbajtjes të instalimeve mekanike;
• Merr pjesë në hartimin dhe zbatimin e rregullores së sigurimit teknik në lidhje me instalimet mekanike;
• Kryen detyra të tjera që i ngarkohen nga supervizori përkatës;

Edukimi: Të zotërojë diplomë universitare në Inxhinieri Mekanike ose Hidroteknike.

Kualifikime të tjera:

• 5-7 vite eksperiencë në HVAC, sisteme elektrike, ventilim, teknikat e ftohjes etj;
• Aftësi në koordinimin e punimeve mekanike, hidrosanitare, ventilim, teknikat e ftohjes etj;
• Aftësi kompetente në skicime, në programim të saktë, instalime dhe testime të sistemeve mekanike;
• Aftësi shumë të mira komunikimi dhe aftësi ndërpersonale;
• Të ketë njohuri në proceset dhe materialet e ndërtimit, si dhe në menaxhimin e projektit;
• Eksperienca në AutoCAD dhe MS është një avantazh, si dhe aftësia për të lexuar projektet dhe specifikimet;
• Njohuri në përpilimin e kontratave të sipërmarrjes për instalimet elektro-mekanike;

Mënyra e aplikimit:
Të gjithë të interesuarit mund të aplikojnë duke dërguar CV-të e tyre dhe letrën e motivimit në adresën hr@manetci.al me subjekt MTCI_0519

Afati i dorëzimit: 11.11.2019

*Të gjitha aplikimet do të trajtohen me konfidencialitet të plotë sipas ligjit Nr. 9887 vendosur nga Kuvendi i Shqipërisë për “Mbrojtjen e të Dhënave Personale”.