Tirane, ofroj vend pune Specialist Kontabiliteti

Coca-Cola Bottling Shqipëria sh.p.k (CCBS) është kompani leader në tregun Shqiptar të pijeve freskuese jo alkoolike me marka më të njohura ndërkombëtare.
Tek CCBS, ne jemi të bindur për rritjen e biznesit tonë, për kontributin në komunitetet lokale dhe në zhvillimin e burimeve njerëzore me anë të aftësive të forta organizative dhe me njerëzit e duhur në vëndin e duhur.

CCBS po kërkon kandidatë të përshtatshëm në pozicionin e mëposhtëm:

Specialist Kontabiliteti

Përgjegjësia e këtij pozicioni është të regjistrojë në sistem të gjitha faturat e blerjeve, të mbajë dokumentat përkatëse dhe të kontrollojë nëse urdhërat janë bërë sic duhet.

Përgjegjësitë kryesore:

• Regjistron të gjitha faturat e blerjes në baza ditore dhe përgatit librin e blerjes.
• Përgatit librin e aktiveve dhe ndjek inventarin e tyre.
• Përpilon tabelën e kostos së lëndëve të para dhe të mallrave.
• Përgatit dhe dorëzon në kohë të gjitha raportet mujore të investimeve, të blerjeve dhe të zhvlerësimit të aseteve të kompanisë.
• Përgatit raportin vjetor të blerjeve.
• Kontrollon urdhërat në sistemin e kompanisë dhe kontabilizon blerjet dhe pagesat.
• Organizon kontrollin fizik të dokumenteve në bazë mujore dhe arshivimin sistematik të dokumentave.
• Përgatit tabela të ndryshme në excel.

Aftësitë dhe kualifikimet:

• Të ketë mbaruar arsimin e lartë në deget Kontabilitet.
• Të ketë minimumi 1 vit eksperiencë në nje rol të ngjashëm në lidhje me regjistrimet kontabël të llogarive të shpenzimeve dhe të pagueshme.
• Të ketë aftësi shumë të mira në punën me shifrat.
• Të ketë aftësi shumë të mira komunikuese të shkruar dhe verbale.
• Të jetë i/e aftë të punojë në mënyrë të pavarur dhe shumë të përpiktë.
• Të jetë i/e saktë dhe i vëmendshëm ndaj detajeve dhe të respektoje afatet kohore.
• Të jetë konfident me procesin e regjistrimit në librin e blerejeve.
• Të njohë legjislacionin e kontabilitetit dhe legjislacionin tatimor për TVSH dhe Tatimit të të ardhurave.
• Të ketë aftësi të mira MS Office, veçanërisht të avancuara në MS Excel.

• Përvoje punë në SAP përbën avantazh.
• Të ketë njohuri të gjuhës Angleze ose Italiane.

Të interesuarit duhet të dërgojnë një kërkese për punësim ku të specifikohet kërkesa për pozicionin e punës dhe një kopje të CV në adresën e-mail: hr@cocacola.al brenda datës 20 Shtator 2018.

Vetëm kandidatët që plotësojnë kriteret do të kontaktohen.
Coca-Cola Bottling Shqiperia sh.p.k promovon Shanset e Barabarta.