Tirane, ofroj vend pune Menaxhim

ALKOS GROUP është një ndër grupet më të rëndësishme dhe potenciale të Kompanive të marketingut dhe distribucionit në Shqipëri. Ky Grup daton që prej vitit 2004, themeluar në Tiranë dhe me Zyra Qendrore të lokalizuara në një pozicion shumë strategjik industrial, në Autostradën Tiranë – Durrës, km 12.
ALKOS GROUP shpall të lirë pozicionin e punës: DEPUTY MANAGER

FUNKSIONI BAZË DHE QËLLIMI I PËRGJEGJËSIVE
Zëvendës Menaxheri/ja i/e Dyqanit mbështet dhe ndihmon Menaxherin/en e Dyqanit në organizimin e përditshëm të punëve në dyqan, në përputhje me politikat e e përgjithshme të kompanisë. Përgjegjësia kryesore e tij/saj është ndjekja e përditshme e punëve për të cilat është rënë praktikisht dakord ndërmjet tij/saj dhe menaxherit/es me qëllim drejtimin optimal të dyqanit.

DETYRA DHE PËRGJEGJËSI:

• Mbështet Menaxherin/en e Dyqanit në zbatimin e punës tregëtare & administrative në dyqan;
• Mbështet stafin në mbarëvajtjen e punës së përditshme;
• Menaxhon punën në grup dhe motivon skuadrën me qëllim shtimin e shitjeve dhe sigurimin e një eficencë të plotë apo rendimenti të lartë;
• Mbledh, filtron dhe dërgon porositë ditore;
• Bën kontrollin periodik për datat e skadencës së produkteve në Dyqan dhe Magazinë;
• Bën kontrollin e përditshëm mbi sektorët e shitjes;
• Raporton te Menaxheri/ja rreth problemeve të ndryshme apo situatave që kanë ndodhur në turnin e tij/saj, ndërmjet kolegëve apo me klientëve;
• Me integritet dhe profesionalizëm të lartë, kujdeset për marrëdhëniet me klientët;
• Identifikon dhe jep zgjidhje të menjëhershme të problemeve, vetëm kur ka autorizim dhe aprovim të plotë nga Menaxheri/ja, në përputhje me politikat e brendshme të kompanisë.
• Kujdeset për pastrimin dhe paraqitjen e dyqanit (raftet, kokat e rafteve, zonat e promocionit);
• Organizim i përditshëm i kasave dhe supervizimi i tyre.

AFTËSI:

1. Diplomë Universitare në Biznes, Ekonomik, Marketing, Financë;
2. Aftësi analitike si në kërkim tregu, parashikim dhe menaxhim të zinxhirit të furnizimit;
3. Aftësi shumë të mira njohëse të gjuhës Angleze, në komunikim verbal dhe të shkruar;
4. Njohës shumë i mirë i paketës MS Office.
5. Të zotërojë programin Financa 5
6. Aftësi udhëheqëse, organizative dhe menaxheriale; ndërveprimi në biznes dhe shitje;
7. Aftësi komunikuese dhe negociuese (aftësi të shumë të mira në komunikimin verbal, të shkruar si edhe përmes telefonit);
8. Të ketë eksperiencë në menaxhim dyqanesh apo fushave të ngjashme në marketing;
9. Fleksibël me oraret;
10. Të jetë i shoqërueshëm me kolegët dhe klientët;
11. Aftësi në menaxhimin e stresit;
12. I/E aftë të punojë në ekip.

Tjetër (Opsionale)

SHËNIM: Ky përshkrim pune nuk është gjithpërfshirës. Punëmarrësi mund të kryejë edhe detyra të tjera për plotësimin e nevojave të kompanisë.

Mirëpresim të gjithë kandidatët e interesuar të dërgojnë aplikimin e tyre në adresën o.cela@alkosgroup.al
Ju informojmë se vetëm kandidatët e përzgjedhur nga dokumentacioni i tyre do të njoftohen për intervistë.

Aplikimet mbyllen më 15 Korrik 2018

*Të gjithë aplikimet do të trajtohen me konfidencialitet të lartë sipas Ligjit Nr. 9887 vendosur nga Kuvendi i Shqipërisë për “Mbrojtjen e të Dhënave Personale”




Cel. : 0697053354