Dhërmi, ofroj vend pune Kuzhinier/e

Për klientin tonë, një nga hotelet më të vlerësuara për shërbimin cilësor që ofron dhe me kuzhinë të orientuar kryesisht drejt kuzhinës tradicionale shqiptare dhe mesdhetare po kërkojmë: KUZHINIER/E

OFERTË PUNËSIMI SEZONAL NË DHËRMI

Ne po kërkojmë një Kuzhinier/e të shkëlqyer, të aftë të përgatisë vakte cilësore sipas menusë dhe që do të kënaqin klientët me shijen dhe kohën e duhur të përgatitjes dhe shërbimit.
Duhet të jeni të shkathët në kuzhinë dhe të jeni i prirur të kryeni disa detyra në të njëjtën kohë. Eksperienca në përdorimin e ushqimeve dhe teknikave të ndryshme është gjithashtu me rëndësi. Qëllimi është ruajta dhe rritja e reputacionit tonë në mënyrë që klientët e hotelit të jenë gjithmonë të kënaqur.

Përshkrimi i detyrave kryesore të punës

• Garanton një përdorim të duhur dhe të sigurtë të pajisjeve dhe makinerive sipas proçedurave të hotelit.
• Përgatit përbërësit për gatim (pastrimin dhe prerjen e perimeve, prerja e mishit etj.)
• Gatuan dhe kontrollon ushqimin gjatë proçesit të gatimit.
• Garanton prezantim të shkëlqyer të ushqimit si dhe rregullon pjatat para servirjes.
• Mban ambientin e kuzhinës të pastër dhe mirëorganizuar në përputhje me standartet e hotelit.
• Garanton ruajten e sigurtë të ushqimit si dhe kontrollon cilësinë e ushqimit.
• Monitoron rezervat dhe kryen porosinë e ushqimeve që duhen në kuzhinë.

Kriteret e përgjithshme

• Eksperiencë pune si kuzhinier/e
• Eksperiencë në gatimin e të gjitha llojeve të perimeve, peshqve dhe mishrave, përgatitjen e salcave si dhe në përdorimin e llojeve të ndryshme të thikave.
• Njohuri në përdorimin e metodave dhe proçedurave të ndryshme të gatimit(grill, pjekje, zierje etj.)
• Aftësi për të punuar në grup
• Aftësi shumë të mira komunikuese
• Të ketë ndjekur arsimin e mesëm profesional në fushën e kuzhinës dhe turizmit, apo të ketë kualifikime të ndryshme në fushën e kuzhinës
• Të keni njohuri të kuzhinës tradicionale shqiptare dhe mesdhetare, kryesisht kuzhinës italiane.
• Të keni interes për të jetuar dhe punuar në Dhërmi gjatë periudhës Maj – Shtator 2018.

Paketa e punësimit përfshin:

Paga bazë + siguracione +përqindje
Akomodim
Ushqim gjatë orarit të punës
Kontratë pune sipas legjislacionit Shqiptar të punës

Për të aplikuar për këtë mundësi punësimi, mund të dërgoni CV-në tuaj në adresën e-mail: jhasa@albaconsul.com, duke specifikuar pozicionin “Kuzhinier në Dhërmi”, brenda datës 15 Prill 2018.
Intervistat e punës me kandidatët e përzgjedhur do të zhvillohen pranë zyrave tona në Tiranë me punëdhënësin. Vetëm kandidatët e përzgjedhur do të njoftohen për intervistën e punës.

ALBA CONSULTING - HR ELITE “Rrisim potencialin tuaj”