[A.C.R.E.M]

Tirane

Nr. Njesia - Zona me e afert?

2 TEG | Lunder | Farke | Mjull-Bathore

Tipi

1. me orar te plote

Fusha | Profili i punes

1. Ekonomist-Financier/e

Eksperienca

vetem me eksperience

ACREM është pjesë e BALFIN Group e specializuar në ofrimin e menaxhimit të pasurive të paluajtshme. ACREM ka krijuar standardet për praktikat më të mira të menaxhimit të pasurive të paluajtshme. Kompania ka në menaxhim qendra tregtare dhe objekte banimi, nga të cilat mund të përmenden: TEG, QTU, TLP, Rolling Hills, Galeria by TEG. ACREM synon të zgjerojë portofolin e klientëve dhe të zhvillohet në një kompani me një gamë të diversifikuar shërbimesh.

Grupi BALFIN është një nga grupet e investimeve lider në rajonin e Ballkanit Perëndimor që mishëron standardet ndërkombëtare me ekspertizë vendase. I themeluar në vitin 1993 në Vjenë nga Samir Mane, sot Grupi është i pranishëm në 11 vende, Austri, Shqipëri, Kosovë, Bosnje dhe Hercegovinë, Maqedoninë e Veriut, Mal të Zi, Zvicër, Kroaci, Holandë, SHBA dhe Kanada. BALFIN, një grup i larmishëm, aktiv në pasuri të paluajtshme, shitje me shumicë dhe pakicë, sistemin bankar, menaxhim asetesh, turizëm, arsim dhe logjistikë, punëson rreth 5000 njerëz. Totali i Aseteve të Grupit (përfshirë institucionin financiar) është 2.2 miliardë euro, sipas të dhënave të vitit 2023.

Titulli i Pozicionit: Specialist Finance
Departamenti: Financë
Raporton te: Drejtori i departamentit të Financës
____________________________________________________________________________________________________________________________________________________________________________

Qëllimi i Pozicionit:
Specialisti i Financës është përgjegjës për administrimin e proceseve financiare që lidhen me blerjet, regjistrimin e faturave, rakordimet me furnitorët dhe menaxhimin e aseteve. Ai/ajo siguron që të gjitha transaksionet financiare të jenë të sakta, të dokumentuara dhe në përputhje me politikat e brendshme dhe standardet kontabël.

____________________________________________________________________________________________________________________________________________________________________________

Detyrat:​

Procesi i blerjeve dhe regjistrimi i faturave​

• Verifikon çdo faturë të ardhur për përputhje me urdhër-blerjen (PO), kontratën dhe dokumentet shoqëruese (dokument dorëzimi, certifikatë shërbimi, etj.).​
• Regjistron faturat në sistemin financiar NAV, me ndarje sipas qendrës së kostos, llojit të shpenzimit dhe periudhës përkatëse.​
• Përllogarit dhe regjistron tatimin në burim në sistemin financiar.​
• Regjistron çdo Credit Memo dhe e lidh me faturën përkatëse.​
• Zbaton procedurat për eliminimin e tatimit të dyfishtë, në bashkëpunim me kontabilistin dhe audituesin e brendshëm.​

Rakordime dhe monitorimi i pagesave​

• Rakordon në bazë javore gjendjen e faturave të papaguara dhe përgatit raportin vjetërsisë së të furnitorëve.​
• Kontrollon përputhjen e rakordimeve në sistemin NAV me Self-Care Platform dhe ndjek diferencat.​
• Koordinon dhe ndjek korrigjimin e faturave të refuzuara nga furnitorët në sistem.​

​

Administrimi i aseteve dhe inventarëve​

• Regjistron çdo aset të ri me të dhënat përkatëse (vlerë, datë, vendndodhje, përdorues, afat amortizimi).​
• Kryen barkodimin dhe përditësimin e aseteve në sistem.​
• Përditëson lëvizjet e aseteve ndërmjet qendrave të kostos sipas procedurave.​
• Rakordon me magazinierët për kontrollin fizik të inventarit dhe analizon diferencat.​

Arkivimi dhe raportimi​

• Arkivon dokumentet fizike dhe elektronike sipas qendrës së kostos dhe muajit.​
• Përgatit statement-et dhe rakordimet e furnitorëve.​
• Analizon bazën e të dhënave të blerjeve sipas termave dhe kushteve të kontraktuara.​
• Përgatit raportim javor për gjendjen e furnitorëve dhe vjetrësinë e borxhit, të ndarë sipas qendrës së kostos, natyrës së transaksioneve dhe strukturës menaxheriale.​

____________________________________________________________________________________________________________________________________________________________________________

Kualifikimet:
​

• Edukimi: Diplomë universitare – në financë / kontabilitet​
• Kualifikime: Preferohen njohuritë mbi legjislacionin fiskal.​
• Përvoja e Punës: Jo më pak se 3 vite eksperiencë pune në të njëjtin profil.​

Aftësi dhe Zotësi:

• Të ketë njohuri shumë të mira të programeve të paketës Microsoft Office.
• Njohuri te programit Navision (perben avantazh)
• Të ketë njohuri të mira të gjuhës Angleze (e shkruar dhe e komunikuar)
• Të ketë aftësi të mira të etikës dhe komunikimit.
• Të ketë aftësi të mira organizative dhe të bashkëpunimit në grup.
• Të jetë person energjik dhe me vetëmotivim të lartë në punë.
• Të ketë aftësi shumë të mira ndërpersonale.

____________________________________________________________________________________________________________________________________________________________________________​

Shënime:

Kushtet e Punës: BALFIN Group ofron një paketë tërheqëse përfitimesh, duke përfshirë një shpërblim të drejtë në vlerësimin e meritës dhe performancës.

Mënyra e aplikimit*:
Për të aplikuar për këtë pozicion, ju lutem dorëzoni CV-në brënda datës 16/11/2025 në këtë adresë: hr@acrem.al duke specifikuar në subjekt:
“Specialist Finance”

*Të gjitha aplikimet do të trajtohen me konfidencialitet të plotë sipas ligjit Nr 9887 vendosur nga Kuvendi i Shqipërisë për “Mbrojtjen e të Dhënave Personale”.