[DIMENSION]

Tirane

Tipi

1. me orar te plote

Fusha | Profili i punes

1. Inxhinieri
2. Inxh. Mekanike | Mekatronik

Eksperienca

me dhe pa eksperience

DIMENSION HR është një kompani e specializuar në fushën e Menaxhimit të Burimeve Njerëzore, duke ofruar një gamë të gjerë shërbimesh si kërkimi i ekzekutivëve, rekrutimi, programe trajnimi, shërbime EOR, këshillim për karrierën etj,Përmes angazhimit tonë të pandërprerë në çështjet e burimeve njerëzore, synojmë të udhëheqim zhvillimin dhe përmirësimin e standardeve profesionale në tregun e punës.
Ne emër të një kompanie lider që operon në industrinë e prodhimit dhe tregtimit të lëngjeve dhe pijeve freskuese, në kuadër të zgjerimit dhe forcimit të kapaciteteve operacionale, po kërkon të punësojë një profesionist me eksperiencë të thelluar në drejtimin e prodhimit, për pozicionin:

Menaxher i Prodhimit​

Detyra Strategjike dhe Organizative:

• Krijon dhe zbaton objektivat strategjike për Departamentin e Prodhimit.
• Zhvillon dhe përditëson modele operacionale në përputhje me planin afatgjatë të kompanisë.
• Siguron përputhshmëri me politikat e cilësisë, normat ndërkombëtare dhe praktikat më të mira në industri.
• Drejton dhe koordinon bashkëpunimin me departamentet e tjera dhe grupet e punës për sigurinë, ambientin dhe menaxhimin e ujit.
• Mbikëqyr aktivitetet ditore të prodhimit për të siguruar funksionim të pandërprerë dhe efikas.
• Monitoron proceset për të maksimizuar efiçencën dhe për të minimizuar mbetjet, defektet dhe kostot.
• Siguron përputhjen me kërkesat ligjore, udhëzimet teknike dhe standardet e sigurisë në punë.
• Menaxhon projekte zhvillimi dhe përmirësimi në strukturën e prodhimit.

Menaxhimi i Performancës dhe Burimeve Njerëzore:

• Cakton detyra të qarta dhe të matshme për ekipin e prodhimit.
• Supervizon dhe udhëzon grupin drejt përmbushjes së objektivave.
• Vlerëson periodikisht performancën e grupit dhe ndërhyn kur ka devijime nga pritshmëritë.
• Promovon kulturën e përmirësimit të vazhdueshëm dhe inkurajon iniciativën individuale të punonjësve.
• Aplikon dhe ndjek politika kontrolli financiar për optimizimin e kostove të prodhimit.
• Analizon të dhënat për të identifikuar mundësi për përmirësim të efikasitetit financiar-operativ.

Aftësitë dhe Kualifikimet:

• Diplomë universitare në Inxhinieri (preferohen profile si Inxhinieri Industriale, Mekanike, Ushqimore apo të ngjashme).
• Eksperiencë 7–10 vite pune industri prodhimi, nga të cilat të paktën 5 vite në pozicione drejtuese në sektorin e ushqimeve ose pijeve.
• Aftësi të shkëlqyera komunikuese, negocimi dhe menaxhimi konfliktesh.
• Eksperiencë e dëshmuar në menaxhim financiar-operacional, logjistikë, menaxhim cilësie, siguri dhe blerje.
• Aftësi shumë të mira kompjuterike dhe lehtësi në adaptimin me sisteme të reja.
• Njohuri të avancuara të gjuhës angleze dhe/ose italiane.

Kjo është një mundësi kyçe për profesionistë të përkushtuar që duan të ndikojnë realisht në drejtimin dhe zhvillimin e prodhimit në një kompani lider në treg.

Menyra e aplikimit:
Mirëpresim aplikimin tuaj (CV) në adresën tonë rekrutime@dimensionhr.al me subjekt « Menaxher i Prodhimit »
Bazuar në aplikimin tuaj, Ju bëjmë me dije se vetëm kandidatët që plotësojnë kriteret e profilit do të njoftohen për intervistë nga stafi i Dimension.

JU MIREPRESIM!

*Të gjitha aplikimet do të trajtohen me konfidencialitet të plotë nga Dimension sipas ligjit Nr. 9887 për “Mbrojtjen e të Dhënave Personale” dhe do të përdoren nga Ne vetëm për qëllime rekrutimi.