[EB Invest]

Tirane

Tipi

1. me orar te plote

Fusha | Profili i punes

1. Ekonomist-Financier/e
2. Finance-Banke | Sigurime
3. Menaxhim Biznesi

Gjuha

1. anglisht

Eksperienca

vetem me eksperience

EB Investment, në emër të një klienti, është në kërkim të një Menaxheri të Auditimit të Brendshëm, i cili do të drejtojë dhe mbikëqyrë funksionin e auditimit të brendshëm. Pozicioni ka në fokus vlerësimin e efektivitetit të kontrolleve të brendshme, menaxhimin e riskut dhe përputhshmërinë me legjislacionin dhe politikat e organizatës, duke kontribuar në rritjen e transparencës dhe përmirësimin e vazhdueshëm të proceseve.
Përgjegjësitë kryesore

• Harton dhe zbaton planin vjetor të auditimit mbi bazë risku (projekti, kantieri, financat, prokurimet, magazina, nënkontraktorët).
• Ndihmon në zhvillimin/azhornimin e Planit të Menaxhimit të Riskut (risk teknik, financiar, kontraktual, cilësi, vonesa).
• Kryen auditime financiare, të përputhshmërisë dhe operative, përfshirë:
• Prokurime & tenderim (kërkesa ofertash, negociimi, konflikt interesi, dokumentacioni),
• Kontrata & nënkontraktorë (zbatimi i kushteve, penalitete, variacione/ndryshime pune),
• Menaxhim projekti (planifikim, progres fizik vs financiar, pretendime),
• Menaxhim magazinash & materialesh (hyrje-dalje, inventar, humbje, skrap),
• Asetet fikse & mjetet e kantierit (regjistër, përdorim, amortizim, GPS/monitorim kur ka),
• Pagesa dhe arkëtime (aprovime, limitet e autorizimit, cash management).
• Vlerëson periodikisht efektivitetin e kontrolleve dhe propozon përmirësime në procedura, politika dhe sistem aprovimesh.
• Kryen auditime performance dhe hetime të posaçme (dyshime për abuzime, shkelje, mospërputhje dokumentacioni), sipas kërkesës së drejtimit të auditimit.
• Koordinon punën me auditorët e jashtëm.
• Siguron ndjekjen e rekomandimeve, afatet, përgjegjësit dhe raporton progresin.
• Bashkëpunon me departamentet e Financës, Prokurimit, Teknikës/Projekteve, Ligjorit, HR për rritjen e kulturës së kontrollit.
• Përgatit raporte të qarta për menaxhimin (gjetje, risk, ndikim financiar, masa korrigjuese).

Kërkesa​

• Diplomë universitare në Financë/Kontabilitet, Ekonomi ose fusha të afërta.
• Kualifikim profesional i preferuar: ACCA / CPA / Audit / Kontabilist i Miratuar (ose ekuivalent).
• Minimum 7–10 vite përvojë në auditim/kontroll të brendshëm/financë, me të paktën 3 vite në rol drejtues.
• Përvojë e drejtpërdrejtë në ndërtim/infrastrukturë (kontrata, nënkontraktorë, situacione, magazina) konsiderohet avantazh i fortë.

Aftësi dhe kompetenca​

• Njohuri shumë të mira të parimeve të kontabilitetit dhe standardeve të auditimit.
• Njohuri të praktikave tipike në ndërtim: situacione, variacione, prokurime, kontroll kostoje.
• Aftësi analitike, hetimore dhe vendimmarrëse; orientim drejt rezultateve.
• Komunikim i shkëlqyer, aftësi për të menaxhuar situata sensitive.
• Njohuri të avancuara kompjuterike: Excel i avancuar, Word, PowerPoint; njohja e ERP-ve është plus.
• Integritet i lartë, konfidencialitet, objektivitet.

Kandidatët e interesuar të dërgojnë CV-në në adresën info@ebinvest.al deri më datë 20.03.2026. Sigurohuni që të përfshini “Menaxher, Auditimi i Brendshëm” në subjektin e email-it.
Vetëm kandidatët e përzgjedhur në listën e ngushtë do të kontaktohen për intervistë