[Abissnet sh.a.]

Tirane

Tipi

1. me orar te plote

Fusha | Profili i punes

1. Ekonomist-Financier/e
2. Finance-Banke | Sigurime
3. Inxhinieri
4. Menaxhim Biznesi

Gjuha

1. anglisht

Eksperienca

vetem me eksperience

Specialisti i Prokurimeve është përgjegjës për realizimin e të gjitha aktiviteteve të lidhura me procesin e blerjeve dhe furnizimeve, nga identifikimi i nevojave deri në finalizimin e kontratave dhe menaxhimin e marrëdhënieve me furnitorët. Roli synon të sigurojë që mallrat dhe shërbimet të prokurohen në kohë, me kosto efektive dhe cilësi të lartë, duke ndjekur procedurat dhe standardet e vendosura.

Detyrat dhe Përgjegjësitë Kryesore

• Planifikimi i blerjeve:

Bashkëpunon me departamentet e tjera për mbledhjen dhe verifikimin e kërkesave për blerje mujore/tremujore/vjetore.

Kontrollon në sistemin Odoo stokun ekzistues për të shmangur blerjet e panevojshme.

• Kërkimi dhe përzgjedhja e furnitorëve:

Kërkon dhe analizon tregun për furnitorë potencialë (lokalë dhe ndërkombëtarë).

Mbledh dokumentacionin dhe kryen filtrimin paraprak sipas kritereve të kualifikimit (certifikime, kapacitet, përputhshmëri teknike).

Lëshon RFI, RFQ ose RFP për furnitorët në listë të shkurtër dhe ndihmon në analizën krahasuese të ofertave.

• Negocimi dhe kontraktimi:

Ndihmon në negocimin e kushteve komerciale dhe teknike me furnitorët.

Përgatit dokumentet e porosisë së blerjes (PO) dhe kontratat përfundimtare për miratim dhe firmosje.

Koordinon me Departamentin Ligjor për rishikimin e termave të kontratës.

• Monitorimi i kontratave dhe dorëzimeve:

Ndjek afatet e dorëzimit të mallit dhe shërbimeve, verifikon përputhshmërinë me kushtet e kontratës.

Regjistron çdo devijim në performancën e furnitorit dhe propozon veprime korrigjuese.

• Mbajtja e evidencave dhe raportimi:

Regjistron të gjitha veprimet në sistemin ERP (Odoo), përfshirë kontratat, kërkesat për blerje dhe dokumentet e furnitorëve.

Përgatit raporte mujore mbi ecurinë e prokurimeve dhe KPI-të përkatëse (vonesa, kursime, përputhshmëri me planin).

• Pajtueshmëria dhe transparenca:

Siguron zbatimin korrekt të procedurave standarde të operimit (SOP) dhe respektimin e kodeve të etikës në prokurim.

Ndjek standardet ISO për cilësinë, mjedisin dhe sigurinë (ISO 9001, 14001, 45001, 27001, 20400) sipas tipologjisë së blerjes.

Aftësi dhe Kualifikime të Kërkuara

• Diplomë universitare në Ekonomi, Inxhinieri, Menaxhim ose fusha të ngjashme.
• Eksperiencë pune në pozicione të ngjashme (së paku 1 vjet për pozicionin specialist).
• Njohuri shumë të mira të ciklit të prokurimit dhe ERP-ve (Odoo ose sisteme të ngjashme).
• Aftësi të avancuara në analizë tregu, negocim dhe vlerësim furnitorësh.
• Njohuri mbi dokumentacionin dhe proceset e vlerësimit të ofertave.
• Njohuri të shkëlqyera të gjuhës shqipe dhe angleze (shkruar dhe folur).
• Integritet i lartë, etikë profesionale dhe fokus në efikasitet dhe kursime.

Të interesuarit mund të dërgojnë CV-në e tyre në adresën: b.njerezore@abissnet.al

Të gjitha aplikimet do të trajtohen me konfidencialitet të plotë, në përputhje me dispozitat e ligjit nr. 124/2024 për mbrojtjen e të dhënave personale.

Abissnet sh.a mbështet zhvillimin e karrierës dhe promovon talente të reja!