[Via-Construction]

Tirane

Tipi

1. me orar te plote

Fusha | Profili i punes

1. Inxhinieri
2. Inxh. Ndertimi

Gjuha

1. anglisht

Eksperienca

vetem me eksperience

Via Construction është në kërkim të një Inxhinieri Kantieri (Junior), i/e cila do të asistojë në ndjekjen e punimeve në kantier, koordinimin bazë me ekipet, kontrollin e cilësisë sipas udhëzimeve dhe përgatitjen e raporteve/dokumentacionit teknik, duke respektuar rregullat e sigurisë në punë.

Detyrat Kryesore:

• Siguron zbatimin e punimeve në përputhje me projektet e zbatimit, preventivin, specifikimet teknike dhe standardet në fuqi.
• Përgatit raporte ditore/javore, si dhe raporte për vendosjen në vepër të materialeve specifike (p.sh. hekur, beton), të miratuara edhe nga Mbikëqyrësi i Punimeve.
• Jep udhëzime dhe sqarime të vazhdueshme për organizimin e punës, zbatimin e projektit dhe respektimin e kushteve teknike.
• Menaxhon dhe monitoron mirëmbajtjen e lëndës së parë dhe makinerive, si dhe planifikon shërbimet teknike të nevojshme për to.
• Ndjek zbatimin e kontratave të sipërmarrjes për punimet e kryera nga nënkontraktorët në objekt dhe siguron mbledhjen e dokumentacionit të kërkuar sipas kontratës në fuqi.
• Plotëson çdo ditë listë-prezencën e punonjësve në kantier.
• Hartonë librezën e masave për punimet e kryera dhe e raporton çdo javë pranë Administratorit, së bashku me situacionin e punimeve.
• Mban dhe plotëson ditarin e punimeve çdo ditë dhe e raporton në baza javore pranë Administratorit.
• Përditëson në vazhdimësi dokumentacionin tekniko-ligjor gjatë fazave të ndërtimit deri në përfundim të objektit.
• Identifikon dhe paraqet kërkesat për ndryshime në projektet e zbatimit dhe preventivin pranë Administratorit dhe departamentit inxhinierik.
• Verifikon që materialet e ardhura në objekt të shoqërohen me certifikata origjine dhe cilësie; në mungesë, vendos shënim përkatës në faturë.
• Identifikon dhe raporton materialet/produktet që nuk përputhen me cilësinë dhe specifikimet e kërkuara.
• Ndjek kryerjen e analizave dhe provave të materialeve në laborator, si dhe testimeve që realizohen në kantier.
• Raporton periodikisht inventarin dhe gjendjen e materialeve pranë veprës.
• Kryen detyra të tjera të lidhura me funksionin, sipas nevojave të projektit dhe udhëzimeve të eprorit.

Kualifikimet:

• Diplomë universitare në Inxhinieri Ndërtimi.
• Eksperiencë profesionale 3–5 vite në menaxhimin/ndjekjen e punimeve në kantier.
• Aftësi të provuara në interpretimin e projekteve të zbatimit, preventivit, specifikimeve teknike dhe standardeve të ndërtimit.
• Njohuri shumë të mira në përdorimin e programeve inxhinierike si dhe paketës MS Office.
• Kompetenca të mira në organizim, koordinim dhe raportim teknik, përfshirë përgatitjen e raporteve ditore/javore dhe dokumentacionit të kantierit.

Çfarë ofron kompania:

• Një ambient pune dinamik dhe profesional.
• Trajnime dhe mbështetje për zhvillim të mëtejshëm.
• Pagë konkurruese, në përputhje me eksperiencën dhe aftësitë.

Procesi i përzgjedhjes:
Kandidatët e interesuar të dërgojnë CV-në në adresën info@viaconstruction.al deri më datë 20/02/2025. Sigurohuni që të përfshini “Inxhinier Kantieri” në subjektin e emailit.
Vetëm kandidatët e përzgjedhur në listën e ngushtë do të kontaktohen për intervistë.