[Green Coast]

Tirane

Nr. Njesia - Zona me e afert?

7 Blloku Ambasadave | Inxh. Ndertimit

Tipi

1. me orar te plote

Fusha | Profili i punes

1. Inxh. Ndertimi

Gjuha

Eksperienca

vetem me eksperience

Balkan Finance Investment Group, BALFIN Group, është një nga grupet investuese më të rëndësishme dhe më të suksesshme në rajonin e Ballkanit Perëndimor. Gjeografikisht, Grupi BALFIN është i pranishëm në Austri, Shqipëri, Kosovë, Bosnjë dhe Hercegovinë, Maqedoninë Veriore, Malin e Zi dhe Holandë, me afërsisht 6’000 punonjës në total. Aktivitetet e Grupit BALFIN përfshijnë zhvillimin dhe menaxhimin e pasurive të patundshme, shitjet me pakicë, industrinë minerare, sistemin bankar, turizmin, energjinë, logjistikën etj. Grupi BALFIN po rritet në mënyrë të qëndrueshme dhe kontribuon në përmirësimin e jetesës së komuniteteve përmes zhvillimit ekonomik, prezantimit të ideve të reja, punësimit dhe investimeve sociale.
Kompania Green Coast pjesë e Grupit Balfin është e fokusuar në projektimin, ndërtimin, vënien në shfrytëzim, administrimin, mirëmbajtjen, operimin e Resorteve Turistike, zhvillimin e objekteve dhe fshatrave turistike dhe njësive të hotelerisë.

Pozicioni: Inxhinier Ndërtimi në Projektim
Departamenti: Arkitekturës dhe Inxhinierisë
Vendndodhja: Tiranë

Përmbledhja e Pozicionit: Inxhinieri i Ndërtimit, si pjesë e grupit të projektimit, mbështet menaxherin dhe grupin e projektimit, në detyrat e përditshme që kanë si objekt: grumbullimin e informacionit mbi ecurinë e projekteve të ndryshme të zbatimit; vlerësimin e përputhshmërisë së projekteve teknike me lejet e miratuara, kushtet teknike të projektimit (KTP) dhe me kushtet teknike të zbatimit (KTZ); kontrollin e preventivave dhe grafikëve të punimeve; hartimin e raporteve periodike mbi ecurinë e projekteve etj.

Detyrat dhe Përgjegjësitë Kryesore:

• Grumbullon informacion dhe kontrollon ecurinë e projektit dhe punimeve të ndërtimit në përputhje me kontratat e sipërmarrjes, projektin, preventivin, grafikun e punimeve, specifikimet teknike, KTP, KTZ dhe kushteve të sigurisë së shëndetit në punë;
  
• Kontrollon dhe vlerëson përputhshmërinë e projekteve konstruktive të hartuara nga projektues të jashtëm, interpreton llogaritjen e strukturave dhe kërkon revizionime sipas rastit;
  
• Kontrollon përputhshmërinë e projekteve dhe detajeve (identifikon mospërputhjet mes projekteve arkitektonike – konstruktive - instalimeve elektrike - instalimeve HVAC – KUZ – KUB dhe infrastrukturës inxhinierike nëntokësore), përfshirë rishikimin e detajeve dhe dhënien e zgjidhjeve teknike për zbatim, përfshirë detajimin konstruktiv dhe arkitektonik të elementëve të ndryshëm;
  
• Azhornon grafikun e punimeve sipas projektit dhe planit të organizimit, në bashkëpunim me grupin e projektimit;
  
• Përgatit raportet periodike (mujore/javore) duke evidentuar problematikat e projektit dhe ecurinë përkatëse të fazave të zbatimit;
• Kontrollon në mënyrë periodike kostot e projektit, në përputhje me preventivin si dhe identifikon dhe llogarit volumet, për zërat e preventivit dhe zërat e punimeve të reja ose të paparashikuara në preventiv;
  
• Asiston menaxherin në marrëdhëniet e bashkëpunimit me stafin e departamenteve të tjera në funksion të projektit;
  
• Konsulton arkitektët për skemat konstruktive në fazat e para të konceptimit të projektit;
  
• Konsulton grupin e projektimit në analizat tekniko-financiare të përcaktimit të materialeve e detajeve në mënyrë që projekti të realizohet brenda buxhetit;
  
• Detyra të tjera që i ngarkohen nga menaxheri i departamentit

Edukimi: Të zotërojë diplomë nivel Master në Inxhinieri Ndërtimi/ Profili Strukturist

Kualifikime të tjera:

• Të ketë eksperiencë pune nga 5-7 vjet në të njëjtën fushë;
  
• Aftësi për të lexuar, analizuar dhe shpjeguar projektet, korrespondencat e biznesit, kontratat, procedurat dhe manualet teknike;
  
• Aftësi për të menaxhuar projekte dhe kontrata të ndryshme specifike që përfshihen në projekte ndërtimi;
  
• Aftësi për të prezantuar në mënyrë sa më efikase problematikat, komunikim i shkëlqyer verbal dhe me shkrim, përgatitje raportesh etj.;
  
• Të ketë iniciativë dhe fleksibilitet lidhur me orarin e punës;
  
• Principet dhe praktikat në përdorimin e programeve kompjuterike (CAD, EXCEL, MS-PROJECT (ose PRIMAVERA) etj.);
  
• Përbën përparësi njohja e Revit dhe programeve të tjera kompjuterike “BIM”;
  
• Aftësi shumë të mira projektuese, menaxhuese, organizative, planifikuese, dhe komunikuese.

Mënyra e aplikimit: Të gjithë të interesuarit mund të aplikojnë duke dërguar CV-në e tyre dhe letrën e motivimit në adresën hr@greencoast.al me subjekt GC_IN0422.

Afati i dorëzimit: 11/05/2022
*Të gjitha aplikimet do të trajtohen me konfidencialitet të plotë sipas ligjit Nr. 9887 vendosur nga Kuvendi i Shqipërisë për “Mbrojtjen e të Dhënave Personale”.