Fondacioni Joscelyn

  • Elbasan, ofrohet vend pune

Elbasan
Tipi
  1. me orar te plote
Fusha | Profili i punes
  1. Menaxhim
Gjuha
Eksperienca
vetem me eksperience
Pozicioni i punës: Menaxher shitjes dhe Marketingu

Data e publikimit: 8 Gusht 2023
Kohëzgjatja: 11 Muaj
Raporten tek: Drejtori Ekzekutiv
Vendi: Elbasan

Afati për aplikim: 18 Gusht 2023

INFORMACION I PËRGJITHSHËM
Fondacioni “Joscelyn” (JsF) është një organizatë jo qeveritare, jo fetare, jo politike dhe jofitimprurëse e themeluar dhe e regjistruar në regjistrin e organizatave jofitimprurëse, me vendim gjykate nr. 503 datë 23.03.2015 nga Gjykata e Rrethit Gjyqësor Tiranë, me seli kryesore në Elbasan në Lagjen “28 Nëntori” Rruga “Mefail Biçaku.
Fondacioni “Joscelyn” synon të kontribojë në fuqizimin e komuniteteve, në Shqipëri nëpërmjet ofrimit të shërbimeve psiko-sociale, edukimit formal dhe jo formal, ndërgjegjësimit dhe avokimit. Së fundi JsF ka ngritur sipërmarrjen sociale “Tradita ime Artizanale” e cila zhvillohet në një pronë të konfiskuar nga krimi i organizuar në qytetin e Elbasanit dhe qëllimi kryesor është të përfshijë vajza dhe gra të cilat janë në pamundësi ekonomike për të marrë një profesion dhe për të ruajtur traditën Shqiptare.

PËRSHKRIMI I ROLIT
Fondacioni Joscelyn po kërkon të rekrutojë një Menaxher Shitjes dhe Marketingu për produktet e prodhuara nga Sipërmarrja Sociale në kuadër të projektit “Ruajmë Traditën” pjesë e programit TWIST i zbatuar nga Partners Albania. Ai/Ajo do të jetë përgjegjës për menaxhimin e shitjeve të drejtëpërdrejta të produkteve artizanale brenda dhe jashtë Shqipërisë nëpërmjet kontakteve të drejtëpërdrejta dhe online.

PËRGJEGJËSITE KRYESORE

  • Arritja e objektivave të paracaktuara të shitjeve B2B dhe maksimizimi i të ardhurave në mënyrë që të kontribuojë në objektivat strategjikë të sipërmarrjes sociale.
  • Propozon pako të ndryshme promovuese, që do të nxisin rritjen e shitjeve të brandy.
  • Ofrimi i të gjitha informacioneve përkatëse, ofertave me shkrim, produkteve dhe shërbimeve për klientin e rinj apo ekzituese.
  • Marrja pjese në panaire brenda dhe jashtë vendit.
  • Mbledhja, vlerësimi dhe analizimi i informacionit të marrë dhe propozimi për klientin kombinimin më efikas të produkteve sipas një database të përcaktuar.
  • Ruajtja dhe zhvillimi i klientëve ekzistues dhe të rinj, cilësia e shërbimit, rritja e biznesit dhe kënaqësia e klientëve.
  • Kryen takime të rregullta me klientët sipas një plani të përcaktuar në të gjithë territorin e Shqipërisë por edhe në rajon.
  • Monitorimi i konkurrencës përmes të gjitha kanaleve të komunikimit.
  • Identifikimi dhe ndjekja e perspektivave dhe referimeve të reja që rezultojnë nga aktiviteti në terren.
  • Krijimi i kalendarit të aktiviteteve dhe fushatave të marketing në bazë mujore dhe vjetore.
  • Përcaktimi i planit për materialet e nevojshme për të rritur prezencën e markës në treg.
  • Bashkëpunim me agjencitë për përmbajtjen dhe komunikimin dixhital të faqjes web dhe rrjeteve sociale.
  • Bashkëpunim me departamentit e sipërmarrjes sociale në përmbushjen e detyrave të nevojshme.
  • Të promovojë shërbimet e sipërmarrjes sociale nëpërmjet kanaleve: Emaile - Rrjete Sociale - Telefonike - Takime të drejtpërdrejta në terren .etj.
  • Organizon fushatat digjitale në përputhje me planin e marketingut, mat dhe raporton mbi performancën e të gjitha fushatave kundrejt targetit.
  • Zhvillon strategji optimizimi që rrisin renditjen e rezultateve të motorit të kërkimit të faqes së internetit të kompanisë dhe analizon performancën (p.sh. trafiku, konvertimet, koha e shpenzuar); Përvojë në vendosjen dhe optimizimin e fushatave Google Adwords.
  • Teston faqet e internetit nëpër browsers, sisteme operative dhe pajisje (pc, mobile);
  • Identifikon trendet dhe zhvillimet e reja, dhe optimizon shpenzimet dhe performancën bazuar në të dhënat që merr nga matjet;
  • Njohuri të thelluara të platformave të ndryshme sociale (p.sh. Facebook Ads Manager, Business Suite, Creator Studio)
  • Harton në avancë planin e detajuar për median sociale duke përfshirë përmbajtjen dhe imazhet e komunikimit duke i fotografuar dhe punuar në kohë produktet;
  • Përgjegjës për realizimin dhe shpërndarjen e e-newsletter, kujdeset per bazën e të dhënave për email marketing;
  • Kryen hulumtime të tregut dhe identifikon pikat e forta dhe dobësitë të kompanisë. Bën propozime për modifikime të planit të marketingut;
  • Raporton tek Drejtori Ekzekutiv dhe punon ngushtësisht me Drejtuesin e Departamentit të Sipërmarrjes Sociale.

KRITERET PËR APLIKIM

  • Diplomë Universitare.
  • Minimum dy (2) vite përvojë pune në fushën e marketingut dhe shitjes.
  • Të ketë aftësi solide kompjuterike duke përfshirë programet MS Office, marketing softëare (Adobe Creative Suite & CRM) dhe aplikacionet (Web analytics, Google Adwords etj.).
  • Aftësi të mira organizative dhe planifikuese.
  • Njohuri të shkëlqyera të marketingut.
  • Të posedojnë aftësi të shkëlqyera komunikuese dhe e domosdoshme njohja e gjuhës angleze.
  • Të kenë njohuri të shkëlqyera kompjuterike.
  • Aftësi dhe njohuri menaxhuese të punës në grup.
  • Aftësipër të mbajtur nivel të lartë të konfidencialitetit.
  • Leje drejtimi mjeti (e preferuar)

PËR TË APLIKUAR
Të gjithë aplikantët që përmbushin kriteret e kërkuara, të dërgojnë CV-në e tyre dhe Letrën e Motivimit në adresën e emailit: traditaimeartizanale@gmail.com deri në datën 18 Gusht 2023



Cel. : traditaimeartizanale@gmail.com
 


Apply
Back
Top