[Agikons]

Agikons SH.P.K lider në fushën e ndërtimit kërkon të punësojë individë profesionalë dhe të kualifikuar në pozicionin Drejtor i Burimeve Njerëzore.

Qëllimi i Pozicionit;

Drejtori i Burimeve Njerëzore kryen zhvillimin e politikave të shoqërisë në lidhje me menaxhimin e Burimeve Njerëzore. Drejton dhe menaxhon personelin e departamentit duke u kujdesur për listëprezencat, azhornimin e bazës së të dhënave, rekrutimin/ selektimin/ trajnimin e punonjësve dhe vlerësimin e performancës së tyre.

Detyrat;

• Harton, zhvillon dhe përmirëson në mënyrë të vazhdueshme politikat e shoqërisë në lidhje me menaxhimin e burimeve njerëzore për të garantuar sukses në proçeset e rekrutimit, motivimit dhe vlerësimit të përformancës.
• Zbaton proçedurat e Burimeve Njerëzore dhe rregulloren e Kompanisë.
• Rekruton staf, nëpërmjet nxjerrjes së njoftimeve online/print për vende vakante të shoqërisë, ose të tjera nevoja të saj. Identifikon dhe gjen të gjitha mënyrat dhe burimet nga të cilat mund të rekrutojë staf cilësor.
• Kryen intervista, me ndihmën e specialistëve përkatës, sipas llojit të pozicionit të punës dhe selekton më të mirët për t’u punësuar pranë shoqërisë.
• Kryen të gjitha proçedurat e duhura për punësimin korrekt të stafit të ri.
• Menaxhon proçesin e prezantimit dhe përshtatjes së punonjësve të rinj në ambjentin e punës në shoqëri.
• Ndjek proçedurën e punësimit/transferimit/largimit të punonjësve, bazuar në Kodin e Punës dhe rregullores së shoqërisë.
• Administron bazën e të dhënave të punonjësve fizikisht dhe elektronikisht sipas sistemit.
• Zhvillon dhe monitoron buxhetin e shërbimeve të ofruara nga departamenti i Burimeve Njerëzore.
• Mbron interesat e punonjësve dhe të shoqërisë në përputhje me politikat e Burimeve Njerëzore dhe ligjeve në fuqi.
• Merret me kualifikimin dhe zhvillimin profesional të punonjësve. Identifikon nevojat e stafit për t’u trajnuar, kualifikuar dhe zhvilluar profesionalisht, në të mirë të pozicionit të tyre të punës.
• Përpilon “Programin e kualifikimit personal” për secilin nga punonjësit e shoqërisë. Identifikon kurset profesionale lidhur me pozicionet e punës dhe siguron pjesëmarrjen e tyre, bazuar në buxhetin e përfituar.
• Udhëheq zbatimin e sistemit të vlerësimit të performancës sipas afateve dhe proçedurave të shoqërisë, të bazuar në objektiva dhe treguesit individual.
• Administron proçesin e listëprezencave ditore dhe mujore të personelit të shoqërisë, duke i shoqëruar me sqarimet përkatëse të nevojshme për proçesin e pagave.
• Merr kërkesat për deklarime/c’deklarime te punonjësve dhe i delegon në Dep. e Financës që të deklarohen në sistemin e tatimeve të shoqërisë.
• Kryen deklarimet 3-mujore të punonjësve të shoqërisë, pranë Zyrës së Punës Qëndrore dhe Inspektoriatin e lartë Shtetëror.
• Mirëmban dhe përditëson dosjet e inspektoriatit të punës, duke u bazuar në legjislacionin në fuqi.
• Administron proçesin e dietave, databazën e benifiteve dhe honorareve të punonjësve.
• Përpilon kërkesa, vendime, për staf dhe ndryshime të proçedurave sa herë që lind nevoja ose kërkohet.
• Menaxhon fleksibilitetin në punë për gratë shtatzëna dhe për punonjësit me kushtëzime shëndetësore.
• Kryen kontrolle të shpeshta punonjësve të shoqërisë, për të diktuar praninë dhe efiçencën e tyre në punë.
• Organizon punën në raste panaire, konferenca apo pjesëmarrje të tjera për qëllime të rekrutimit të stafit.
• Zbaton çdo detyrë tjetër të kërkuar nga Drejtori Ekzekutiv në fushën e menaxhimit të Burimeve Njerëzore

Kualifikimet;

• Të ketë përfunduar Arsimin e lartë, në Shkencat Sociale dhe Shoqërore, Ekonomisë etj.
• Të ketë mbi 5 vjet eksperiencë pune në pozicione të njëjta ose te ngjashme.
• Të njohë mirë gjuhën Angleze, përbën avantazh njohja e një gjuhe tjetër.
• Të zotërojë mirë ‘’Paketën Office’’.
• Të ketë njohuri shumë të mira të ‘’Kodit të Punës’’.
• Te ketë aftësi të shkëlqyera në komunikim verbal dhe të shkruar.
• Të ketë aftesi shume të mira organizuese dhe të punuarit në grup.
• Të ruajë konfidencialitetin në lidhje me informacione të kompanisë.
• Të ketë vetveprim dhe vetorganizim të lartë dhe aftësi për të punuar me performancë të lartë pa mbiqkyrje të ngushtë.

Ftojmë të aplikojnë të gjithë kandidatët të cilët plotësojnë kriteret e mësipërme duke dërguar aplikimin e tyre në adresën zyrtare të E-mail: hr@agikons.com të shoqëruar me një letër motivimi.

*Të gjitha aplikimet do të trajtohen me konfidencialitet të plotë sipas ligjit Nr. 9887, date 10.03.2008 i ndryshuar, vendosur nga Kuvendi i Shqipërisë për "Mbrojtjen e të Dhënave Personale".


Departamenti i Burimeve Njerëzore
Agikons. Sh.P.K
E-mail: hr@agikons.com
Web: www.agikons.com
Adresa: Blloku Rezidencial "Kodra e Diellit", Selite, Tirane