NOA sha

  • Lushnje, ofroj vend pune Specialist Shërbim Klienti, Dega Lushnje

Lushnje
Tipi
  1. me orar te plote
Fusha | Profili i punes
  1. Finance-Specialist | Banke / Sigurime
Gjuha
Eksperienca
vetem me eksperience
Qëllimi i punës:

Siguron një eksperiencë të shkëlqyer klienti duke ofruar informacion të plotë dhe cilësor, duke shpjeguar, mbështetur, këshilluar dhe informuar klientët për të gjitha shërbimet/produktet e kompanisë dhe detyrimin e tyre aktual si dhe proçeson aplikimet për produktin e kërkuar.

Detyrat dhe Përgjegjësitë e pozicionit:

  1. Siguron zbatimin, respektimin e politikave dhe proçedurave në fuqi lidhur me proçesin e administrimit të kredisë dhe veçanërisht disbursimin fizik të kredisë;
  2. Kryen rol kontrollues në disa hallka të proçesit të kredidhënies dhe në proçesin e mirëmbajtjes së kredisë;
  3. Përgjegjës për regjistrimin e aplikimeve për kredi në sistem dhe gjenerimin e kërkesës për kredinë për individë që vjen nga telefonatat;
  4. Siguron që klientët marrin informacion të plotë dhe cilësor lidhur me kredinë e tyre dhe me kushtet respektive duke shërbyer online; Kryen proçesin e rikonsilimit të balancës së arkës çdo fund dite/fillim dite;
  5. Kryen transaksionet e arkave duke dokumentuar çdo veprim me përpikmëri dhe sipas politikave dhe proçedurave në fuqi;
  6. Informon klientët gjatë pagesave për kredinë mbi detyrimet e tyre aktive në sistem për të evituar krijimin e detyrimeve me vonesë për diferenca të vogla;
  7. Kryen disbursimin fizik të kredive në degë/agjenci, siguron verifikimin e të gjithë personave në kontratë me mjetet e identifikimit, plotësimin dhe firmosjen e të gjithë dokumentacionit të kërkuar nga të gjithë palët sipas proçedurave dhe politikave në fuqi;
  8. Kryen lëvrimin e kredisë nëpermjet mjeteve monetare cash ose metodave te tjera te njohura dhe aprovuara nga NOA;
  9. Përgjegjës për sigurinë fizike të zyrës sipas proçedurave të Sigurisë në fuqi duke ruajtur konfidencialitetin e kërkuar.

Kërkesat për pozicionin:

  1. Diplomë Universitare;
  2. Preferueshëm 2 vjet eksperiencë në shërbim klienti;
  3. Aftësi shumë të mira organizative dhe për të punuar i/e pavarur kur performon detyrën;
  4. Njohuri të avancuara mbi produktin e kredisë dhe mbi politikat dhe proçedurat e kredidhënies;
  5. Aftësi shumë të mira të manaxhimit të të dhënave;
  6. Aftësi të demonstruara të manaxhimit me efektivitet të më shumë prioriteteve njëherësh;
  7. Aftësi shumë të mira në komunikimin e shkruar, verbal dhe jo verbal;
  8. Aftësi të shkëlqyera të punës në grup;
  9. Aftësi shumë të mira kompjuterike.

Jeni të lutur të dërgoni aplikimin tuaj duke plotësuar aplikimin online në: https://noafin.al/jobs.
Aplikimi juaj duhet të përmbajë një CV të përditësuar dhe nje letër motivimi për pozicionin përkatës deri në datë 2 Prill 2019.
Vetëm kandidatët e përzgjedhur do të njoftohen nga Departamenti i Burimeve Njerëzore për një testim me shkrim.
 
Back
Top