[Orion shpk]

Tirane

Tipi

1. me orar te plote

Fusha | Profili i punes

1. Elektricist
2. Hidraulik
3. Sherbim | Reparime
4. Teknik

Eksperienca

vetem me eksperience

Pozicioni: Punëtor Elektriçist/Hidraulik

Departamenti
Mirëmbajtja dhe Administrimi i Objekteve të Banimit

Qëllimi i Pozicionit

Elektricisti/Hidrauliku është përgjegjës për kryerjen e punimeve të mirëmbajtjes, evidentimin e defekteve elektrike dhe hidraulike dhe riparimit të tyre në objektet e banimit që administrohen nga kompania.
Ky pozicion siguron funksionimin e rregullt dhe të sigurt të instalimeve elektrike dhe hidraulike, duke garantuar standarde të larta shërbimi për banorët e objekteve të banimit.

Përgjegjësitë Kryesore

• Kryen kontrolle periodike të instalimeve elektrike dhe hidraulike në objektet e administruara nga kompania.
• Identifikon dhe riparon defekte në sistemet elektrike, përfshirë pompat, ndriçimin, prizat, ndërprerës, panelet elektrike dhe pajisje të tjera ndihmëse.
• Identifikon dhe riparon defekte në sistemet hidraulike, përfshirë rrjedhjet, rubinetet, tubacionet dhe pajisje të tjera hidrosanitare.
• Kryen mirëmbajtje parandaluese për të shmangur avaritë dhe ndërprerjet e shërbimeve.
• Reagon në kohë ndaj kërkesave dhe emergjencave të raportuara nga banorët ose administratori i objektit.
• Zbaton standardet e sigurisë teknike gjatë kryerjes së punimeve.
• Raporton ndërhyrjet e kryera dhe evidenton nevojat për materiale apo investime shtesë të nevojshme.
• Bashkëpunon me ekipin e administrimit dhe mirëmbajtjes për planifikimin dhe realizimin e punimeve te mirëmbajtjes.
• Kujdeset për përdorimin dhe mirëmbajtjen e mjeteve të punës dhe pajisjeve teknike.

Kualifikimet dhe Kërkesat

• Arsim profesional ose teknik në fushën elektrike, hidraulike ose fusha të ngjashme.
• Eksperiencë pune në mirëmbajtjen e objekteve, ndërtesave ose sistemeve teknike.
• Njohuri të mira të instalimeve elektrike dhe hidraulike.
• Aftësi për diagnostikimin dhe zgjidhjen e problemeve teknike.
• Disponibilitet/fleksibilitet për të punuar jashtë orarit ditor të punës në raste emergjence.
• Aftësi të mira komunikimi dhe bashkëpunimi në grup
• Aftësi për të punuar në mënyrë të pavarur dhe në grup.
• Përgjegjshmëri, korrektësi dhe orientim ndaj zgjidhjes së problemeve.

Mënyra e aplikimit:

Të gjithë të interesuarit mund të aplikojnë duke dërguar CV-në e tyre dhe letrën e motivimit në adrese: hr@orion.al
Pas shqyrtimit do të kontaktohen vetëm kandidatët e përzgjedhur.

Afati i dorëzimit: 01.07.2026.

Ju informojmë se të dhënat tuaja do të përdoren në përputhje me Ligjin nr. 124/2024, "Për mbrojtjen e të dhënave personale".