Tirane, ofroj vend pune Drejtues Kantieri

Balkan Finance Investment Group, BALFIN Group, është një ndër grupet investuese më të rëndësishme dhe më të suksesshme në rajonin e Ballkanit Perëndimor. Aktivitetet e Grupit BALFIN përfshijnë zhvillimin dhe manaxhimin e pasurive të paluajtshme, tregtinë me pakicë, industrinë minerare, sistemin bankar, turizmin, energjinë, logjistikë, etj. Gjeografikisht Grupi është i pranishëm në Austri, Shqipëri, Kosovë, Bosnje dhe Hercegovinë, Maqedoninë e Veriut, Mali i Zi dhe Vendet e Ulëta duke punësuar më shumë se 5’000 persona. Grupi BALFIN është në rritje të vazhdueshme dhe synon përmirësimin e qëndrueshëm dhe afatgjatë të komuniteteve nëpërmjet zhvillimit ekonomik, rritjen e punësimit dhe investimeve sociale. Kompania Mane TCI, pjesë e Grupit BALFIN, është lider në ndërtim dhe investim të projekteve zhvilluese, në Shqipëri dhe rajon. E themeluar në vitin 2001, Mane TCI është e specializuar në fushën e ndërtimeve civile dhe industriale si: Qendra Tregtare, Godina Rezidenciale, Qendra Sociale dhe Kulturore, ndërtime industriale dhe infrastrukturë.

Pozicioni: Drejtues Kantieri
Departamenti: Teknik
Vendndodhja: Tiranë

Përmbledhja e Pozicionit: Drejtuesi i Kantierit është përgjegjës per zhvillimin dhe përfundimin e projektit dhe në funksion të këtij qëllimi, duhet të përmbushë përgjegjësi dhe detyra menaxheriale, organizative, mbikqyrëse, koordinuese, vendim marrëse.
Drejtuesi i Kantierit mund të jetë përgjegjës edhe për më shumë se një projekt në të njëjtën kohë.

Detyrat dhe Përgjegjësitë Kryesore:

• Përgatit dhe menaxhon buxhetin e projektit;
• Menaxhon devijimet në projekt;
• Përgatit dhe Menaxhon grafikun e punimeve dhe ndjekjen e ecurinë e tij;
• Ndjek realizimin e punimeve në përputhje me standartet e kompanisë dhe KTZ;
• Kontrollon dhe miraton situacionin përmbledhës mujor;
• Miraton cost raportet mujore të projektit;
• Menaxhon strukturën tekniko administrative të projektit;
• Përpilon pjesën teknike të kontratave të sipërmarrjes duke përfshirë standartet e ndërtimit, specifikimet, planet e projektit;
• Përcakton shtojcat e kontratatave (Urdhër Ndryshimet) dhe sigurimin e bashkangjitjes së tyre me kontratën;
• Monitoron në mënyrë të vazhdueshme kontratat si dhe aprovon penalitetet;
• Punon me strukturat përkatëse për të përcaktuar dhe analizuar kostot e projektit;
• Garanton zbatimin e proçedurave tekniko-administrative të shoqërisë;
• Siguron dokumentimin në të gjitha fazat e projektit si dhe përgatit plane afat shkurtra në varësi të progresit të projektit;
• Siguron që cilësia e punimeve është sipas standarteve të duhura duke mbikqyrur dhe kontrolluar ecurinë e punimeve;
• Siguron që të gjitha kërkesat dhe/ose objektivat e projektit janë të dokumentuara siç duhet;
• Siguron që dokumentacioni i projektit të jetë i plotë dhe aktual;
• Siguron asistencë administrative dhe inxhinerike tek sipërmarrësit e ndërtimeve, te kontraktuesit, për të zgjidhur paqartësitë dhe problemet dhe siguron përfundimin me sukses të projektit;
• Përgatit raporte periodike në lidhje me ecurinë e projekteve;
• Përcakton nevojat për staf teknik, organizon punën dhe miraton detyrat për stafin në varësi direkt;
• Menaxhon dhe kontrollon zbatimin e detyrave;
• Në bashkëpunim me BNJ, përgatit vlerësimin e performancës për punonjësit që janë në varësi direkte të tij dhe miraton vlerësimin e performancës për nivelin e dytë dhe të tretë të organizimit të departamentit;
• Propozon, ngritje në detyrë dhe promovime të personelit që ka rritje profesionale në pune duke e shoqëruar edhe me vlerësimet përkatëse.
• Në rastet kur kantieri nuk ka të përcaktuar një Përgjegjës Teknik, ky rol do të ndiqet nga Drejtuesi i Kantierit;
• Ndjekja e periudhës së garancisë se defekteve kundrejt investitorit;
• Detyra të tjera që i ngarkohen;

Edukimit: Të zotëroje diplomë universiteti në Inxhinieri Ndërtimi

Kualifikime të tjera:

• Të ketë eksperiencë pune jo më pak se 10 vjet;
• Aftësi shumë të mira menaxhuese, organizative, planifikuese, projektuese dhe komunikuese;
• Aftësi për të lexuar, analizuar dhe shpjeguar projektet, korrespondencat e biznesit, kontrata, procedurat dhe manualet teknike;
• Aftësi për të menaxhuar projekte dhe kontrakta të ndryshme specifike që përfshihen në projektë ndërtimi;
• Aftësi për të prezantuar në mënyrë sa më efikase problematikat, për të përgatitur raporte;
• Njohuri shumë të mira të gjuhës angleze (njohja e një gjuhe tjetër do të përbënte avantazh);
• Të ketë iniciativë dhe fleksibilitet lidhur me orarin e punës;
• Principet dhe praktikat në përdorimin e programeve kompjuterike (CAD, EXEL, MS-PROJECT (ose PRIMAVERA) etc.)

Mënyra e aplikimit:
Të gjithë të interesuarit mund të dërgojnë CV-në dhe letrën e motivimit në këtë link. Pas selektimit do të kontaktohen vetëm kandidatët e përzgjedhur.

Afati i dorëzimit: 08/02/2021

*Të gjitha aplikimet do të trajtohen me konfidencialitet të plotë sipas ligjit Nr. 9887 vendosur nga Kuvendi i Shqipërisë për “Mbrojtjen e të Dhënave Personale”.